Atuwɑ 23:27-35

²⁷Mpi tɔ, ɑlʋ yɛlɛyɛlɛ tʋ nɑ lɛlʋ ɑlʋ pɑ wɛ ɑsolɑ kɛ́ ɩsɩɩ lumɑŋ pʋ́ʋ́ɣʋ́. Yɑɑ lɔkɔ sɔsɔ wei ɩ nɔɣɔ tɑ wɑlɩ tɔ.

²⁸Pɑ pɑpəɣɩ ɑpɑlɑɑ kɛ ɩsɩɩ ŋmɩɩlɑɑ. Nɑ pɑ́ sɔɔsəɣɩ yəlɑɑ kɛ ɑsɑɣɑɑ tɔɔ.

²⁹Awe ɩsɛ sɛɛnɑ təkɑɩɩ, nɑ ɩ́ yooki tɑm nɑ ɩ́ kɑləɣɩ təkɛkɛkɛ, nɑ ɩ́ wɛnɑ hiŋnɑɑ nɑ pə fɛɩnɑ hʋwɛɛ, nɑ pɑ́ lɑkɩ-ɩ wɑɩyo?

³⁰Wei ɩ nyɔɔkɩ sʋlʋm kɛ kʋtɑmsɑ nɑ ɩ́ pɛɛkəɣɩ sʋlʋm toŋ nyəm situɣu tɔɣɔ.

³¹Tɑɑ nyənɩ sʋlʋm teu kɛ pə sɛɛʋ ɑtiŋkpɑ tɑɑ, nɑ pə́ wɑsəɣɩ nɑ pə tɛɛʋ fɛɩ kɑtɛ kɛ luɣu tɛɛ tɔ.

³²Amɑ pɩɩ tɛɛsənɑ-ŋ nyɑsʋɣʋ kɛ́ ɩsɩɩ tʋm, nɑ pə́ yɑɣɑ-ŋ ɩsɩɩ pɑɑsəlɛ.

³³N kɑ́ nɑɑkɩ tɔm kɛ yem yem kɛ́ ɩsɩɩ toosee nɑ nyɑ́ ləmɑɣɑsɛɛ nɑ nyɑ́ kʋyɔɣɔtʋtʋ hɔlɔ yem.

³⁴Nɑ pə́ wɛɛ-ŋ ɩsɩɩ teŋku tɑɑ kɛ́ n wɛ kpɩɩlʋɣʋ nyʋɣʋ tɑɑ, nɑ pə fiisiɣi-ŋ.

³⁵Hɑlɩ n kɑ́ yɔɣɔtɩ sɩ: Pɑ mɑpɑ-m nɑ pə kʋ-m pə tɑ wɩɩ-m. Pə́cɔ́ mɑ tɑ tɩɩ nɑʋ. Ɩlɛ pə́ cɛ mɑ tɔɔ nɑ mɑ́ tɑsɑ ɑtiŋkpɑ.