Proverbios 22:1-13

¹Ibmar-nuegan-bukidar-nikadba, bur nuedid, nug-nued nikued. Bukidar-or-nikuedba, degi, mani-nikuedba, bur nuedid begi dulemar nued sunmaked.

²Mani-ibed, degi, dule-wileged, ¿ibugi emar gumala? Bab-Jehová-ebobela-obinnisadgi emar gumalad.

³Dule-itoakwaadaed magar bonigan-daked, bonigangi banguddaed. Dule-binsaedsulidaeddi, bonigan-idu bangusulid, degisoggu, boni amisdasunnad.

⁴San-bipi-imaklegedgi, Bab-Jehová-nug-odummolegedgi we-ibmar-sogbaagwad danikid: Ibmar-nuegan-nikued, nug-dummarba-gued, dula-gudii-saed, danikid.

⁵Dule-isganamar-gudiidbina, ikomar bukwad, sakimar bukwad. Dule-na-san-sabgudiiddi, a-ibmarmargi bangued.

⁶Igar-innikigwadgi mimmigan be odurdake. Amba sered-ugakgusale, we-ibmargi banguosulid.

⁷Dule-mani-ibed, dule-wilemalad-e-dummad gued. Dule-mani-ganikid, dule-mani-ega-uksad-e-maiga gued.

⁸Dule-ibmar-isgana-imaked, bonigan amied. Bab-Dummad isdar-itogedgi we-dule-obelogoed.

⁹Dule emar-wiledakele, egi nued binsalegoed. Ar we-dule, dule-wilemaladga masgunned uked.

¹⁰Dule-gadi-urwed-amied be ononnoge, adi, na abin-abin-imaklegedi, urwelegedi, degi, sabsur-ibmar-soglegedi, berguoed.

¹¹Dule innikigwadgi-ibmar-sogedi, e-sunmaked-yeer-itolegedi, rey e-aiga imakoed.

¹²Bab-Jehová dule-binsaed-ibedgi nakuleged. Bab-Jehová, dule-gakansili-e-ibmar-sogeddi oyoged, e-sunmaked gakanye.

¹³Dule-wiegala yapa-arbaedba sogdaed: “Achumigur-nono-wawaad magaba gudiiye. An noddibe, an-gunnoye.”