Proverbios 13:11-18

¹¹Mani-yogasaar-amileged baisursunna-berguddaed. Dule-mani-saboged-wisiddina, binnasdikii ibmar-nikumaidaed.

¹²Ibmar-edarbelediid-abingalesulile, gwage-nunmaked emarga uked. Ibmar-edarbelediid-abingalenonikile, weligwaled anmarga uked.

¹³Dule igar-soglemaid isdar-dakele, na dukin boni-amied. Dule igar-soglemaidba ibsaele, ibmar-nued ega ukleged.

¹⁴Dule-binsaed-ibed-e-ibmar-odurdaked, burba-dulad emarga uked. Dule-binsaed-ibed-e-ibmar-odurdaked, burgwed-igargi nabir emar-bendakbalid.

¹⁵Unaleged-igar-innikigwad-uklegedi, nabir-itole neg-imaked. Dule-igar-maidba-ibsadisuliddina, boni-dummad na abgadii guoed.

¹⁶Dule-itoakwaadaed, binsaed-nued-nikadgi ibmar imaked. Dule-binsaed-sulidaeddina, galagwensulidaed na oyoged.

¹⁷Dule-gayaburba-berbeged-isgana, boni emarga amied. Dule-gayaburba-berbeged-nueddina, ibmar-nued emarga uked.

¹⁸Dule, unaleged-igar isdar-dakele, dule-wilegedga gued, e-nuggi dodolebalid. Dule, unaleged-igar nabir-itogele, nug-dummarba nikuoed.