Proverbios 10:23-32

²³Dule-binsaedsulidaedi, na galagwensuli-gudiidgi wergudiid. Dule-binsaed-nikarbaddina, e-binsaed-nikarbadgi na wergudimogad.

²⁴Dule-isgana, na ibmar-dobgudiid egi aibined. Dule-innikidaeddina, na ibmar-abediid ega nabir gued.

²⁵Dule-isgana boni-dummagan-abin gwen gwisguosulid, yog-berguar gued. Dule-innikidaeddina, boni-dummagan-abin gwen-sikirmaksuli degisadeguoed.

²⁶Igi-ina-soled nugar-iii-imake, igi waabali ibya aurmake, deyobi, dule-wiegala e-dummadga gued.

²⁷Dule-Bab-Jehováʼgi-dobekwaa-nanadiidi, ibagan-suitii gudii gued. Dule-isganamardina, ibagan-suitii gudii gusulid.

²⁸Dule-innikidaedgala, iba-nuegan ega danidaed. Dule-isganagardina, iba-isganamar ega nonidaed.

²⁹Bab-Jehová-Igar-Maidi, dule-innikidaedga bendakleged-igar gued. Dule-ibmar-isgana-imakdimaladgardina, ega boniga binyed.

³⁰Dule-innikidamaladi, bonigan-abin akar-guosulid. Dule-isganamardina, we-napneggi gudii guosulid.

³¹Dule-innikidaed-e-sunmakedi, binsaed-nika sunmaked. Dule-galagwensuli-sunmakeddina, gaya-maklemaloed.

³²Dule-innikidaed-e-sunmakedi, yeer-ito dule-imaked. Dule-isganamardina, galagwensuli ibmar-isganagi sunmaked.