Pogsiognang 1:19-23

¹⁹Undo obogne neneko Yerusalem nimi niri el taekti, obog so'o eneko “Nimi eneng so'o,” alamekti, sindi yubuag si “Hakal Dama,” aro engkaek.

²⁰Petrusti lelamogti, “Allahri 'Undo uro yabilul,' sembaogne ane sembe nunisang Daud pere agha Allah yubu sepna wamlangena: 'El ua urobag langkop tale nimi nhon babe aneko wamukang kom.' Nen siplamogti: 'Wenehiropne nenekori awe toro saelbamonge nimi yog nimiag tale,' aro mome toro pibog.

²¹Ane sembe Yudas lunumna nhon ebeberi, webukap. Webebeba, nimi nhon aneri, 'Yesus kamag taoba, ibo,' nunap nimi ambatsukap. Ambatsiropne webukapnena, samenag Yohanesti nu Salehiropne Yesus maghag pelengkiboghag agha, wamogti sop-sop nunap wamoba, Yesus nu nusamag ua ulamogha iboba, Allahri imag agha Yesus kiliro toboa babe ibori, nimi ane webukap. Webeberi, nunap ambarelamsukapti, 'Yesus kamag taoba, haingdi ibobo,' aro nimi ambatsukap,” seog.

²³Wene seogpa, nimi wamekne tanekori, “Nimi phende wepsukap,” aro Yusubap Matiasap towalengkaek. Yusup poneko si wilindi wamog. Si nhon Barsabas alamek, si nhon Yustus alamek.