19ᤜᤧᤰᤁᤩᤠᤱ ᤕᤖᤢᤛᤗᤧᤔᤒᤠ ᤔᤏᤠᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤔᤧᤄᤥ᤺ᤛᤢᤀᤠᤱ ᤂᤧᤴ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤡᤴ “ᤀᤰᤁᤣᤸᤍᤠᤔᤠ” ᤔᤡᤱ ᤔᤧᤘᤠ᤺ᤳᤋᤢᤖᤥ॥ ᤂᤧᤴ ᤑᤠ᤹ᤀᤡᤴ ᤔᤠᤰᤂᤡ᤹ ᤀᤡᤰᤋᤠᤵ ᤐᤥ᤺ᤱᤗᤥ॥)
20ᤐᤋᤪᤢᤛᤖᤧ ᤐᤠ᤺ᤳᤋᤢ. “ᤀᤰᤂᤣᤗ᤹ᤖᤡᤰ ᤁᤴ ᤐᤠ᤺ᤴᤏᤡᤴ ᤛᤠᤵᤐᤴᤏᤥ ᤛᤠᤵᤋᤧᤀᤠᤱ ᤐᤳ. ‘ᤂᤧᤸᤗᤧ ᤁᤢᤜᤡᤶᤎᤠ᤺ᤱᤜᤠ᤹ ᤁᤢᤄᤠᤗᤧᤶ ᤐᤥ᤺ᤱᤗᤖᤥ॥’ ᤜᤧᤰᤁᤩᤠᤱ ‘ᤂᤧᤵᤔᤥ ᤁᤧᤕᤢᤱᤒᤠ ᤜᤠ᤺ᤳᤋᤠᤱ ᤔᤧᤜᤥ᤺ᤵᤗᤖᤥ॥’ ᤜᤧᤰᤁᤩᤠᤱ ‘ᤔᤠᤱᤛᤣᤘᤠ ᤆᤥ᤺ᤰᤔᤠ ᤁᤢᤗᤰᤁᤡᤴ ᤘᤣ᤹ ᤔᤏᤠ᤺ᤸᤗᤧ ᤂᤥ᤺ᤛᤢᤖᤖᤥ॥’
21ᤜᤧᤰᤁᤣ᤺ᤸᤗᤧ ᤍᤠᤱᤒᤠ ᤕᤧᤛᤢ᤺ᤴᤏᤢ ᤛᤥᤖᤡᤰ ᤀᤠᤘᤕᤧᤸᤗᤧ ᤀᤠᤏᤡ᤹ᤏᤢᤀᤣ ᤁᤧᤘᤠ᤹ᤒᤠ ᤔᤏᤠ᤺ᤸᤗᤧ ᤁᤢᤗᤧᤰᤘᤠ ᤗᤳᤌᤡᤰ ᤛᤣ᤺ᤰᤔᤠᤀᤣ ᤐᤥ᤺ᤱ॥
22ᤂᤢᤏᤧ᤹ ᤕᤢᤜᤢᤴᤏᤠᤖᤧ ᤆᤥᤃᤢᤒᤠ ᤒᤵᤋᤡᤛ᤻ᤔᤠᤀᤠᤱᤎᤥ ᤍᤠᤱᤒᤠ ᤕᤧᤛᤢ᤺ᤴ ᤀᤠᤏᤡ᤹ ᤗᤢᤶᤔᤥᤏᤢ ᤛᤠᤱᤃᤪᤠᤶᤐᤣᤍᤠᤱ ᤐᤣᤒᤠ ᤌᤠᤖᤡᤰ ᤁᤧᤏᤡ᤺ᤒᤠ ᤐᤥ᤺ᤱᤔᤠ ᤐᤥ᤺ᤱ॥ ᤂᤢᤏᤧ᤹ ᤀᤠᤏᤡ᤹ᤏᤢᤀᤣ ᤍᤠᤱᤒᤠ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠ ᤐᤠ᤺ᤴᤏᤡᤸᤗᤧᤴ ᤋᤥ᤺ᤴᤍᤡ ᤐᤥ᤺ᤱᤔᤠ ᤐᤥ᤺ᤱᤗᤥ॥”
23ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤏᤧᤵᤑᤢ ᤔᤏᤠᤜᤠ᤹ ᤔᤧᤍᤥ᤺ᤴᤍᤢᤛᤡ—ᤒᤖᤛᤠᤒᤠᤛ ᤔᤧᤵᤔᤏᤠᤒᤠ ᤕᤢᤛᤢᤑ (ᤂᤧᤸᤗᤧ ᤁᤢᤔᤡᤱᤅᤡᤴ ᤕᤢᤛ᤻ᤋᤛᤀᤠᤱ ᤘᤕᤧ) ᤜᤧᤰᤁᤩᤠᤱ ᤔᤳᤋᤡᤕᤠᤛ॥
ᤛᤣ᤺ᤰᤕᤢᤰᤔᤡᤒᤠᤜᤠ᤹ 1
ᤛᤣ᤺ᤰᤕᤢᤰᤔᤡᤒᤠᤜᤠ᤹ 1:19-23