Acts 1:19-23

¹⁹Ga bukmakthu ŋunhi Djurutjalamdja ŋäkulana ŋanya ŋunhinhayi yolŋunha, bala walala yäku nherrara wäŋanydja ŋunhiyi Gulaŋ Wäŋa bitjarrana.)

²⁰Bala ŋayi Betayu ḻakaraŋala yukurrana bitjarrana gam', “Ŋunha djorra'yu ŋunhi Daypitkuŋu wukirriwuyyu yukurra dhunupamirriyamana ḻakarama ŋanya Djudatjnha bitjanna gam', ‘Ŋunhiyinydja nhanŋu wäŋa yurru dhärrana yukurra wiraŋnha yanana, bitjanna liŋguna yurru; Yakana yurru ŋula yol nhina yukurra ŋunhiliyinydja wäŋaŋura.’ Ga dhuwala wiripunydja dhäruk wukirriwuy gam', ‘Wiripuŋuyuna yolŋuyu dharapul ŋanyanydja yurru märrama, djamanydja yukurra yurru nhanukalaynydja dharapulŋura.’ Bitjandhi yukurra ŋunha djorra'yunydja ḻakarama.

²¹Bala ŋilimurru yurru djarr'yunna wiripuŋunha yolŋunha, märr dhambay ŋilimurruŋgala ŋayi yurru ḻakarama ŋanya Garraynha Djesunha, ŋunhi ŋayinydja walŋana nhina yukurra rakunyŋuru. Ŋilimurru yurru djarr'yun ŋunhinha yolŋunha ŋunhi ŋayi yukurranha ŋuli marrtjinya ḻiw'maranha galki ŋilimurru Djesuwala, beŋuru bili ŋunhi ŋayi Djondhu ḻiya-ḻupmaraŋala Djesunha, yana liŋgu-u-u ga ŋulinyaramirriyuna ŋunhi ŋayi Djesunha djaw'yurruna bala djiwarr'lilina,” bitjarrana ŋayi Betanydja waŋana.

²³Bala walala nherraranydja märrma'nhana yolŋunha maṉḏanha yäkunha, waŋganydja Djotjip yäku, ga wiripunydja ŋayi yäku ŋunhiyi yolŋu Bätjapatj ga Djatja, ga wiripunydja ḏarramu yäku ŋunhi Mathaya.