Paisowa 8:29-39

²⁹Yaluwa Tabuna ya libalau Pilipi lisina iyen, U lau be saliyoti ni ai sadaina u fafabeya pei.

³⁰Pilipi ya lautafotafo ee–, ya mahano lobahi na ya atahi mate taumoho wa Peloweta Isaiya ena uliꞌuli ya fatifatili. Ya fatiꞌoi iyen, Somo wa fatifatili ni aniyona wa sibai e higeꞌe?

³¹Taumoho wa Pilipi alinana ya bui fafuyo iyen, Sidohana haba egu sibasiba yena sai hige i liba famahata lisigu yai? E fakau! Yo fede yuniki wa Pilipi ya faliba be ya finahe saliyoti hewana yai be maꞌena sa awa luwaluwaga.

³²Uliꞌulina lausoisoina ya fatifatili mate logena itete, Sa foyahi, doha sipi sa foyahi be bena sa lau funuhi, yo doha sipi natuna olona sa tomo na hige i kehe, in hinaga hige alinana.

³³In sa fataumayamaya yo ena dudulai sa faleleꞌen. Hige sai laꞌi gonowana bena ana hiti mulita i dedei, paꞌana ena mwahuli tanoꞌubu yai anadan yai ya mahano.

³⁴Baꞌisa wa Pilipi ya fatiꞌoi iyen, U falibagu, Peloweta somo ya libalibaen? In, e sai hesa?

³⁵Habahim Pilipi lausoisoina Isaiya ena uliꞌuli yai te, ya fatubu ya dede bee–, Yesu wasana loholohona enehena ya liba famahata lisina yai.

³⁶Na edaꞌeda yai sa lau wee–, nuꞌu hesa yai sa mahano. Amainiya hoꞌowa. Yo fede baꞌisa wa iyen, Ma! Hoꞌowa ite. Somo ya guduguduigu be tabu u fababasitogu?

³⁷Pilipi alinana ya bui iyen, Yena nuwam ma ofi fahina Yesu wa kawawananahaꞌen, gonowana haba E fababasitom. Yuniki alinana ya bui iyen, Wananaha! Yesu Keliso mate Yaubada Natuna.

³⁸Itiyopiya dogana wa ya liba be saliyoti sa abi tohai. Tataudi luwaga sa tulubeꞌu na sa gayo lidi hoꞌowa ganahewana be Pilipi baꞌisa wa ya fababasito.

³⁹Hoꞌowa sa gayo hiti afulen. Yo fede Guyau Yaluwana Pilipi ya abi be ya lawe hudoꞌiyen. Baꞌisa hige Pilipi i ita fuyoi. In moho ma kwadena ya lau.