Osee 10

1

2

3

4

5

6

7

8

9

10

11

12

13

14

¹Isirelin bweseru tɑ rɑɑ sɑ̃ɑwɑ nge resɛm geɑ ye yɑ rɑ mɑ too. Adɑmɑ nge mɛ bɑ dɑbiɑmɔ, nge mɛyɑ bɑ bũu yenu dɑbiɑsiɑmɔ. Nge mɛ ben tem mu kuurɑmɔ, nge mɛyɑ bɑ bũu yenu sɔmmɔ kɑ kpee geenu.

²Tɔn be, bɑ sɑ̃ɑwɑ gɔ̃rusu yirugibu. Bɑ koo yen ɑre sɔbe. Yinni Gusunɔ u koo ben bũu yee ni kɑ nin kpee geenu kɔsuku.

³Bɑ koo tɛ̃ nɛɛ, yèn sɔ̃ sɑ ǹ Gusunɔ nɑsie, yen sɔ̃nɑ sɑ ǹ sinɑ boko mɔ. Adɑmɑ tɛ̃n wɑ̃ɑ te sɑ wɑ̃ɑ mini, mbɑ sinɑ boko koo mɑɑ kpĩ u sun wunɑnɑ.

⁴Wee bɑ gɑri kɑm gerumɔ, mɑ bɑ ɑrukɑwɑni bɔkumɔ kɑ bɔ̃ri weesugii. Yen sɔ̃, siribu dɑbiɑmɔ nge yɑkɑ kɔ̃susu si su rɑ kpi gbee te bɑ wukɑ sɔɔ.

⁵Kpɑ Sɑmɑrigii be bɑ nɑɑ buu wurɑguu sɑ̃ɑmɔ ge ge wɑ̃ɑ Betɛli Afɛniɔ bu nɑndɑ kpɑ bu gɔɔ sinɑ gen sɔ̃. Gen yɑ̃ku kowobu bɑ koo diiri bɑ̀ n wɑ gen bɛɛrɛ yɑ kpɑ.

⁶Domi bɑ koo kɑ gu dɑ Asiriɔ bu gu ben sinɑ boko wɛ̃. Isirelibɑ bɑ koo sekuru wɑ. Bɑ koo nɑ̀ n dɑɑ yɛ̃ ko ye bɑ kɑ bũu kuɑ ben suunu sɔɔ.

⁷Ǹ n Sɑmɑrin sɔ̃n nɑ, ye kpuro yɑ kpɑwɑ mi. Domi bɑ koo kɑ yen sinɑ boko doonɑ nge dɛkɑ ye nim mu kɑ doonɔ.

⁸Bɑ koo ben bũu yenu kpuro kɔsuku mi bɑ torɑ. Kpɑ yɑkɑsu kɑ sɑ̃ki yi kpi mi. Sɑɑ gɑɑ sisi yè sɔɔ bɑ koo guunu kɑ gungunu sɔ̃ bu nɛɛ, i sun sɛ̃sikio i wukiri.

⁹Yinni Gusunɔ u nɛɛ, sɑɑ dɔmɑ tèn di Isirelibɑ bɑ durum kuɑ Gibeɑɔ, bɑ torɑmɔ bɑ dɔɔwɑ. N ǹ weenɛ tɑbu bu tɔn kɔ̃so be wɔri mi?

¹⁰Nɛ, Yinni Gusunɔ kon bu sɛɛyɑsiɑ nge mɛ nɑ kĩ, kpɑ bwesenu nu nɔɔ tiɑ ko nu bu wɔri ben torɑ bɑkɑnun sɔ̃.

¹¹Isirelibɑ bɑ sɑ̃ɑwɑ nge nɑɑ kpɛmi yi yi rɑ dobi tɑɑku. Adɑmɑ kon sugu doke ben wĩi burɑ ni sɔɔ. Kon de Yudɑbɑ bu kɔrɔ ko, kpɑ be, Yɑkɔbun bweseru bu tem kusɑnu kɔsuku.

¹²Yen sɔ̃ tɛ̃, bɛɛ Isirelibɑ i gbee kpɑɑru koowo i gem duure. Kpɑ i durom gɛ̃. Domi sɑɑ yɑ turɑ i kɑ gɔsirɑmɑ nɛ, Yinni Gusunɔn mi, kpɑ n bɛɛ susi n bɛɛ geɑ kuɑ.

¹³Adɑmɑ bɛɛ, i kɔ̃sɑ duurɑ mɑ i kɔ̃sɑ gɑ̃. Mɑ i bɛɛn weesun ɑre di. I bɛɛn nɑɑnɛ doke bɛɛn tiin dɑm kɑ tɑbu kowo dɑbi dɑbiru sɔɔ.

¹⁴Yen sɔ̃nɑ tɑbun wurenu koo nɔɔrɑ bɛɛn suunu sɔɔ. Kpɑ bu bɛɛn gbɑ̃rɑnu kpuro kɔsuku nge mɛ Sɑlumɑn sinɑ boko u Bɛti Aribɛli wɔri, mɑ u bii mɛrobu kɑ ben bibu munkɑ.

¹⁵Bɛɛ Betɛligibu, wee ye kon bɛɛ kuɑ bɛɛn nuku kɔ̃surun sɔ̃. Bururu yɑm sɑ̃reru yɑnde, tɑbu sɔɔrɑ bɑ koo bɛɛn sinɑ boko go.