Ola Saam 46:1-5

¹God im oldei kipum wi seif, en im na meigim wi brabli strongbala. Im oldei album wi wen wi oldei abum olkain trabul.

²Wi kaan bradin nomeda if dijan graun im sheiksheik, en nomeda if ol detlot hil buldan insaid langa solwoda.

³Wi kaan bradin nomeda if det solwoda gidap en meigim loda nois, en nomeda if det solwoda bambum detlot bigwan hil en olabat sheik.

⁴Det bigwan taun blanga God garram riba en im meigim ola pipul langa det taun jidan gudbinji olataim. Dijan langa det seikridwan pleis weya det haibala God im oldei jidanbat olagijawan.

⁵God oldei jidan langa det taun. Nomo enijing kaan binijimap det taun. God garra oldei album det taun.