Numero 24:15-22

¹⁵Ara maʌ̃da Balaaʌ̃ra nãwã bed̶easia: Mʌ̃ra Beor warra Balaaʌ̃a. Mʌ̃a ẽsã unu b̶ʌa. Mʌ̃ra nãwã bed̶ea b̶ʌa.

¹⁶Ãcõrẽba jara b̶ʌra mʌ̃a ũrĩ b̶ʌa. Ãcõrẽ dji Dromaara b̶ʌ necawaada mʌ̃a erob̶ʌa. Ãcõrẽ jũma poya o b̶ʌba unubi b̶ʌra mʌ̃a ẽsã unu b̶ʌa. Idji quĩrãpita chĩrãborod̶e cob̶ʌd̶e mʌ̃ dauba ẽsã unu b̶ʌa.

¹⁷Jĩrũarebema ewarid̶e cãrẽda sãwãida mʌ̃a ẽsã unu b̶ʌa. Mʌ̃a unu b̶ʌra ara nawenabemaẽ́a. Jacobod̶eba dji dromada zeya chĩdau ebud̶a odjabari quĩrãca. Israeld̶eba dji boroda zeya. Maʌ̃ba moabitarã borora jũma berradʌgaya. Séd̶eba yõped̶ad̶arã sid̶a jũma quenaya.

¹⁸Idji dji quĩrũ Edoʌ̃nebemarãda poyaya. Ãdji drua Seír abadara idji jʌwaed̶a erob̶aya. Maʌ̃ne Israel purura ʌb̶ʌara wariya.

¹⁹Jacobod̶eba yõna dji dromaba naʌ̃ Ar purud̶e panenara jũma quenaya.

²⁰Mãwã bed̶ead̶acarea Balaaʌ̃ba Amale purura ẽsã unuped̶a nãwã bed̶easia: Amale purura dji dromaara b̶ʌa. Baribʌrʌ ewari ab̶a nẽbaya.

²¹Mãwã bed̶ead̶acarea Balaaʌ̃ba quenitarãda ẽsã unuped̶a nãwã bed̶easia: Quenitarã, bãrã dera bio o eropanʌa nejõbʌba idji de mõgara eya ʌ̃tʌ b̶ʌd̶e o erob̶ʌ quĩrãca.

²²Mãwãmĩna bãrãra nẽbad̶ia asiriarãba jũma ãyã jida edebʌdad̶e.