Numbers 24:2-4

²gaa mmada gi digau Israel mo nadau waahale laa e dau nia madawaawa Israel, gei di Hagataalunga o God gu ulu gi lodo o mee,

³gei mee ga helekai aga nia helekai kokohp aanei: “Deenei telekai a Balaam, tama Beor, nia helekai o tangada dela e mee di mmada gi nia mee huogodoo haga madammaa.

⁴E mee di longono nnelekai a God. Ogu golomada guu ala gi daha, au guu mmada gi di haga modongoohia mai baahi o God Koia e Aamua.