Nambas 14:27-34

²⁷“Apana ema kadiu walama dainea ne mainawo momoduntoia epu? Ne Israel apanawa mainawo momoduntoie wakadisaneio etamona.

²⁸E ema epe wane diamona, ‘Ulaipa, e dima walano ne asinawo etana rua dewasapa.

²⁹E uduudu mida ne mainawo momoduitena enala 20 ita odene su alena ona baiwa wisialeiena sala makowa bedewe boitana.

³⁰E uduudu bola saualena bedewe ne itulepono wampona mai wilena rua, dia. Tane Iepunes otopa Keileb ita Nun otopa Iosua mo os bola sawo odapu.

³¹E momodulala walanase, No emalawoamba apanawa wimopue obainimba kerakera otamopue antopu, tane ne, Iawe God mo wadamope wimpe bola sauala kanaan bedewe e mai odaoda menaleiponawo teamopa.

³²Tane e sala makowa bedewe boitana.

³³Ita ena 40 bedewe obanla gamo onionia apanawa ruau sala makowa bedewe waimompo ideita e uduudu boitanatuwapi. Ipawa e mai ne aiana etape ruawaitapona baiwa e sedala nuaparentopue poka etapu.

³⁴E bola ewaitusaile leilano walama 40 dialena rua ne e matangelalepo ena 40 dialepi, ita walama sa deadea matangelawa ena deadea matangelalepa. E ne dewanealano onala apanawa segantena baiwa ne e dewalepo pokaida etana.’