Namba 14:27-34

²⁷Dodoga heyaheyayadi te, edi fatala pili lebegu yai haga i lofa. E tausiꞌololo!

²⁸Be u falibadi uwe, “Guyau ya liba iye, Yau E miya esegahigu! Ginaulidi somo ami libaedi E atahiyedi, haba E ginauli watanidi ai lebemiu.

²⁹Safalumamiu emi bolima 20 na ya hasai yo hesamiu sensisi bukana yai, mahudoꞌimiu haba ami peꞌi ai nuꞌu pitapitalina te paꞌana ami fatala piliyegu.

³⁰“Tanohi E liba fasunumaʼen aiꞌemiu mate ibege sai laꞌi i mahano lau ai lisina. Diyefunehi natuna, Kelebi yo Nun natuna, Diyesuwa moho haba sa mahano lau niya.

³¹Nanatumiu ami libaedi auwe, ‘Ama waiyunu haba, nanatumai, sa tohaidi.” In moho higeꞌe! Haba E lawedi be tanohina ami ꞌwaiyoꞌoꞌen, ainiya haba sa miyai.

³²In moho, umi, ai nuꞌu te haba ami peꞌi.

³³Ami lau afulegu doha waihin lahuna ya lau afulen na ya lau taumoho hesa - hesa lebena. Lisina yai nanatumiu haba sipi tau itaꞌita wata ai nuꞌu pitapitalina te, haba sa ankamkamna bolima 40 yo hiti te dogana ofiꞌofina ya peꞌi.

³⁴Tanohi ami tafo dadai lahai 40 lisina yai bena ami ankamkamna bolima 40, emi heyaya debadi yai. Bolima esega mate lahai esega, enehena. Ami fawaiyunugu, logena, kamkamnana haba ami fahoina.