Nambas 14:27-34

²⁷“Meyana nikosi pipiya kaikorotosi, pipiya goyogoyosi, ba kawakasekasesi, kuriku gwini sina boterei! Israel biyisi asi kaogimoto ba gwini a nonori.

²⁸Ke wonisi kata, ‘A mamana ba awaika si bisisiyei a nonori wai, nanakasike kurimi ana wosei.

²⁹Ereonowami niko kupura momnai, ko gwinigwini kuriku, ba komi iyabomi pipiya baiyavisi maranai si baiyawimi ba kami bodu 20 ba i gae wai kona rabobo.

³⁰A kaobiyoyobanimi namai kota mana saba kega komi kotoi ina riu, Caleb ba Joshua kosi wata sina riu ku kupurina.

³¹Natunatumi ko wona sina pisikarisi, wai ana yaunisi ana riu kupura koi sinikikiyei wai nakai, ba namai nuwagaire ai sina mana.

³²Saba komi wai niko kupura momnai kona rabobo.

³³Ba natunatumi wai sheep aba potapota rutainisi, niko kupura momna kamonai sina bubuwa neubuwa bodu 40 rubana ami nota kabakaba kairavina, yepo ereonowami kona rabobo.

³⁴Kao 40 kupura ko nanagi wai nanakasike saroba ana berimi, bodu kesana wai kao kesana rubana. Koi abiyiku wai au damidami kona yauni.