Miqueas 5

1

2

3

4

5

6

7

¹Jerusalén-dorgan, be-sorda-bila-onomalad guagwar be urbemar. Ar ade, anmar-isdarmalad bela anmar-ebiris bukmalad. Israel-dulemar-e-dummad-negsemaidi, sabsur-wiolegoed.

²Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

³A-ulale, Bab-Dummad, omegwa-goe-baknonikoedse be-isdarmaladga be-urmakmaloed. Geb degine, Israel-dulemar-yar-baid-baidgi-napi-besmaladi, Israel-dulemar-baiganbo bular bukunonikoed.

⁴Geb a-dule Bab-Jehová-e-ganguedba, e-Bab-Dummad-Jehová-e-nug-gandikidba, e-dulemar-idugoed. Dulemar, dobedsuli gudii gumaloed, ar ade, a-dule bela napaneg-naid seoed.

⁵Ar a-dule neg-bogidikid senonikoed. Ar Asiria-dulemar anmar-yar-subiguarmalale, anmar-neg-gandikmalad-bibisbiguarmalale, a-dule, anmar-bendaknonikoed. E-abin e-gugle (7) dummagan barmidoed, degi, e-baabak (8) neggwebur-sapin-dummagan barmidabaloed.

⁶Wemala, gandikidba dadsaila-Nimrod-yala Asiriaʼye-nugad semai gumaloed, Asiria-dulemar anmar-yar subiguarmalale, degi, anmar-yar-abingunanaidgi dogbiguarmalale, a-dule, anmar-bendakoed.

⁷Igi Bab-Jehová wakudaryala boo-bomiardae, degi, igi gagangi dii-owiardabali, debayobi, Jacob-wagan-napi-besmaladi, neggwebur-bamalad-abargine gudii gumaloed. Gaganmar gwen dule-eoged abdakdasulid deyobi, gumaloed.

⁸Igi achumigur-nono-wawaad, ibdurgan-sapurbarmalad-imbagi gudidae, debayobi, Jacob-wagan-napi-besmaladi gumaloed. Igi achumigur-senigwad sibad-wawaad-bukwadgi-gudiidgi, sibad-wawaad-gasadae, gwen-odulodasuli, debayobi, Jacob-wagan neggwebur-bamalad-imbagine gudigumaloed.

⁹Bab-Jehová, bee be, be-isdarmaladgi gwichiguoed, bela be-isdarmalad be obelogoed.

¹⁰Bab-Jehová weyob Israel-dulemarga sogded: “A-ibagangine, an be-molimar ogilogoed, degi, be-moli-ur-bila-onomalad an obelogoed.

¹¹An bela be-neggweburmar obelogoed, degi, be-neg-gandikmalad bela an obelogoed.

¹²Bela dulemar ina-isgana-imakmalad an obelogoed, degi, bar be nergan-nika guosurmalad.

¹³An bela be-bab-dummadyob-imaklemalad obelogoed, degi, akwa-dummagan-islidikmalad an bela obelobaloed. Bipisaale, be-ibmar-sobsamalad-asabin bar sindigar be sigosurmalad.

¹⁴Be-bab-bundor-Asera-e-wilub-gwismalad an bemar-ibe ungoed, degi, bela be-neggweburmar an obelogoed.

¹⁵Dule-yar-baid-baidgi-bukmalad an-sogedba-dasurmalad ise-urwedgi, degi, sae-itogedgine, an buged imakoed.”