Mika 1

1

2

3

4

5

6

7

¹Apômtaunê biŋ gêdêŋ Mika aŋga malac Moreset gêdêŋ kiŋ Judaŋa Jotam agêc Ahas ma Hiskia nêŋ têm. Eŋ gêlic biŋ tau kêkanôŋ Samaria to Jerusalem.

²O amac lau tomôkê-tomôkê samob, akêŋ taŋemmaŋ, o nom to ŋagêŋlêlôm samob, aŋômaŋ. Apômtau Anôtô, taŋ êsa aŋga nê lôm dabuŋ êmêŋ naŋ, gebe êwa amacnêm biŋ sa e ênêc awêgeŋ.

³Gebe alic acgom, Apômtau kêsa aŋga nê gamêŋ gêmêŋ, eŋ oc êsêp mêŋêka nom ŋagamêŋ ŋabau.

⁴Ma lôc, taŋ akaiŋ êka naŋ, oc êwê êtôm lêp ŋaobo, taŋ ja geŋ naŋ. Ma gaboaŋ oc êôc êkôc êtôm bu, taŋ gêboaŋ kêsêp salic naŋ.

⁵Biŋ samob tonaŋ êsa êtu Jakobnê geoŋa ma êtu gôlôac Israel nêŋ secŋa. Jakobnê geo tau ŋam amboac ondoc Ŋam kêsêp Samaria atom me. Gôlôac Juda nêŋ sec tau ŋam amboac ondoc. Ŋam kêsêp Jerusalem atom me.

⁶Kêtu tonaŋŋa aê gabe jaŋgôm Samaria êtu lênduc teŋ êkô awê aŋga gamêŋ tau, jaŋgôm êtu gamêŋ sêsê wain êsêpŋa. Aê jansambi ŋapoc êsêp gaboaŋ êna ma jakip malac tau ŋanombaŋ sa ênêc awêgeŋ.

⁷Êsêac oc têtuc Samaria ŋakatu samob popoc ma sêkêŋ ja êniŋ ŋada awalauŋ ma aê oc janseŋ ŋagwam samob su. Gebe gêŋ samob tonaŋ ŋai ŋam kêsêp mockaiŋo ŋaôli. tec gêŋ tau êmu naêtu mockaiŋo ŋaôli êtiam.

⁸Kêtu tonaŋŋa aê gabe japuc taŋiboa sa ma jataŋ, aê jasô atapa atom, jasêlêŋ ŋa ockaiŋ ŋaôma ma toôlic ŋaôma Aê oc jataŋ amboac kêam saleŋŋa ma jataŋ amboac kêcsêwa,

⁹gebe kamoc, taŋ Apômtau gêjac naŋ, oc emo atom, ma kamoc tau jagelom Juda, ma gêô lasê ŋoc launêŋ katam jagêdêŋ Jerusalem.

¹⁰Asôm biŋ tau lasê aŋga Gat atom, ataŋ atomanô. Ansambi taôm anêc kekop aŋga Bet-Le-Apra.

¹¹Amac lau Sapirŋa, andi asêlêŋ. Lau Sananŋa sêsa aŋga nêŋ malac sêmêŋ atom. Taŋiboa taŋ kêpi aŋga Bet-Esel naŋ, oc elom amac.

¹²Lau Marotŋa sêkêŋ mateŋ gêŋ ŋajam elêmê, gebe gêŋwapac sec kêsêp aŋga Apômtaunê gêmêŋ mêŋgêô lasê katam Jerusalemŋa.

¹³Amac lau Lakisŋa, amansaŋ hosnêŋ ômbiŋkap, gebe sê kareta. Aôm kôtu Sion latuonê sec ŋamôkê, gebe êsêac têtap Israelnêŋ geo sa aŋga aôm ŋalêlôm.

¹⁴Amboac tonaŋ akêŋ gêŋ êndêŋ Moreset-Gat ma awi êsêac siŋ. Aksib ŋaandu oc êtu lakô êndêŋ Israelnêŋ kiŋ.

¹⁵O lau Maresŋa, aê jasakiŋ lau-sêku-amac-tuluwaga êndêŋ amac êtiam, ma Israelnêŋ ŋawasi oc naêô lasê Adulam.

¹⁶Ôkaliŋ taôm ma ôkapiŋ môkêmlauŋ êtu nêm gêŋenecŋa. Ôkaliŋ taôm pomgeŋ, gebe êsêac oc sêwi aôm siŋ nasêŋgôŋ kapoacwalô. ŋagêdô nêŋ gêŋwapac, taŋ atap êsêac sa naŋ sa. êsêac sa naŋŋa.