Mark 8:24-32

²⁴De man look op an say, “Yeah, A see some people, bot dey look like tree wa da waak roun.”

²⁵Jedus tetch de man eye gin. De man look roun an pay close tention ta wa e see. E ain been bline eye no mo. E able fa see good an e see ebryting plain.

²⁶Jedus chaage um say, “Mus dohn eben go eenta de willage.” Den e sen um home.

²⁷Jedus an e ciple dem gone ta dem willage close by Caesarea Philippi. Wiles dey beena gwine, Jedus aks e ciple dem say, “Wen de people da taak bout me, who dey say A da?”

²⁸Dey ansa Jedus say, “Some people say ya John wa Bactize. Some say ya Elijah, an some oda say ya one ob dem prophet wa come fom de ole people.”

²⁹Jedus aks um say, “Bot who oona say A da?” Peter ansa um say, “Ya de Messiah.”

³⁰Den Jedus waan dem say, “Mus dohn tell nobody bout who A da.”

³¹Den Jedus staat fa laan e ciple dem say, de Man wa Come fom God haffa suffa plenty. De Jew leada dem an de Jew priest leada dem an de Law teacha dem gwine say dey ain wahn um roun. People gwine kill um an pit um een de tomb. Bot atta shree day pass, e gwine come outta de tomb an lib gin.

³²Jedus tell um dat scraight ta de pint. Den Peter call Jedus way fom de oda ciple dem an e buke um say, “Massa, mus dohn taak like dat!”