Mareko 9:33-39

³³Zeꞌa Kaperanauma neḡano feuriro. Zeḡeꞌa ne diuḡirotene, Iesuꞌa tahiꞌaḡa ḡadiziro. 'Za ibio onaateꞌe zamaḡano, nagini ḡoꞌane onaeha?' reiro.

³⁴Rehano zeꞌe mene ḡoreniro, ibio onaateꞌe zamaḡano iniu niḡa boro raenaꞌa, zeḡeꞌa zeḡe bare ḡoꞌaziro ꞌahine.

³⁵Ebu Iesuꞌa ehoradu, ane tahiꞌa gaubanana aheu fare (12) huziro. Ebu ꞌahige rae ziro. 'Iniuꞌa niḡa boro reihi reine, aniꞌa ane bare ꞌuꞌuḡano reꞌuma, ebu tuḡure vazeḡa reꞌuma.

³⁶Ebu aniꞌa ohoze komeꞌa zamahanadu, zeḡe zamao ohoniro, ebu evoꞌa hina ohanadu, ꞌahige rae ziro.

³⁷'Iniuꞌa eḡe uꞌano tahiꞌa komeꞌa ꞌahiguḡa mae ḡihinine, aniꞌe eḡe mae ḡihiheꞌohe. Ebu iniuꞌa eḡe mae ḡihihine, aniꞌe eḡe daꞌo mene mae ḡihiheꞌohe, rehano Badiꞌa, eḡe Mama zuni mae ḡihineꞌohe.'

³⁸Ioaneꞌa Iesu niro. 'Ihore vazeḡa, vaze ꞌahoganiꞌa ḡae niḡano vine sauꞌa sauꞌa hegoze buziroteꞌe emeḡeꞌa horoniro, ebu emeḡeꞌa ani garariro, aniꞌe emeḡe teite mene rauꞌe ꞌahine.'

³⁹Rehano Iesuꞌa ziro. 'Ani ago gararoꞌi! Mazaḡa eḡe nio gigiꞌa inaraḡa haḡaeꞌeteꞌe haḡaiḡa* haḡaeꞌeteꞌe vazeḡa, eꞌe haḡaiḡa enogano, eḡe ni mene sausaune ḡoeriꞌuma.