Mak 9:33-39

³³Ri ka tapiek na Kapernaum. Ma aunbiing ri tinaiwii na palgan fel, Iesu ka diik ri aragii, “Sanih gam famam fapue kuna tole sal?”

³⁴Isau le biil ri kiliis u, wara le ri fapue tah tole sal le seh i laumet lo ri tikii.

³⁵Iesu ka kiis ke ka kam sangful ini u e kalalik na fafausum kia ma ka fas ri aragii, “Male tikas i ier le in tapiek famfamu, in fasabiro u tom ke ik tapiek tom foim ken fanu tikii.”

³⁶Ke, ka tangne pes nenge fabiro kalalik ma ka fasotih u na fatpoto ri, ka diit papte u, ke ka fas ri aragii,

³⁷“Male tikas i somangat pes ti fabiro kalalik arae neng igii na asang, i somangat pes iau sabin. Ke male tikas i somangat pes iau, biil i somangat pes iau sau, i somangat pes ier tom ae i wuun ufu ta iau.”

³⁸Jon ka fas Iesu aragii, “Tom fafausum, kemem par nenge kaltu i tel ufu foron tanwa laulau ini asam, ke kemem ka ier isi tikale u, wara le biil i neng lo kerer.”

³⁹Iesu ka fas ri aragii, “Gong gam tikale u. Biil ifasih tikas in fatapiek ti fakileng ini asang, ke namih sau ik use ti tier laulau ulo iau.