Mak 9:33-39

³³La hanot utumo Kapernaum. Pa ning la kas ana rumai, e Iesu i deken la mange, “Asa ning mulo arlak na warwara ono ting na ngas?”

³⁴Ika bel la kelesi, anasa la arlak na warwara mang esi na halinla i leklek kol.

³⁵Pa e Iesu i kes pa i kabah pas anuna ning a bonot pa pisir naur a kakak a asaerla, pa i atai la mange, “Ning tik i mang sur ir leklek kol, i wakak sur ir anatarna pasi, ir tena titol ka tetek a tarai rop.”

³⁶I ben pas ning a kaklik, pa i atur potor tari tanla. Lamur i rawan pasi, pa i atai la mang,

³⁷“Esining ir gas pas ta kaklik manglarne ana risak, i gas pas iau. Pa esining ir gas pas iau, bel i gas pas iau ka, i gas pas esaning i sune iau ute.”

³⁸E Jon i atai e Iesu mange, “Tena Asaer, mila oroi ning a barsan i kepsen a motla ana risam, pa mila sairasi, anasa i bel a halindala.”

³⁹E Iesu i kelesi mange, “Gong mulo sairasi. Ning tik ir tol ta utna na kulkulan ana risak, bel ir atong kapit ta laulau a warwara hok.