Maki 9:2-41

²6si'a zagegna evutegeno, Jisasi'a, Pitama, Jemisima, Jonikizmia zmavreno za'za agonafi mareriza zamagrake umani'ne'za, negageno avufagamo'a rukrehe huno ruzahe nehigeno,

³kukena'amo efe anentake huno tampre tampre hu'ne. Mopafina kukena sese nehigeno e'inahukna efenentake nosiaza huno efenentake hu'ne.

⁴Hagi Ilaija'a Mosesi'ene zmavuga efore huke Jisasi'ene naneke hu'naze.

⁵Ana higeno Pita'a anage huno Jisasina asami'ne, Hurami' nemoke, knare amafina mani'none. Hagi tagufa tona nona kigahune, mago nona Kagriki, mago nona Mosesinki, mago nona Ilaijanki huta kigahune.

⁶Na'ankure zmagra tusi koro nehazageno, na'ane naneke hugahie, Pita'a ontahineno ana kea hu'ne.

⁷Anante hampomo refitenezmantegeno, mago agerumo amanage ana hampopinti hu'ne, ama'i tusiza hu'na navesima nentoa Mofavreni'e. Agrama hania kea antahi amiho!

⁸Keganti kegma hu'za kazana, ame huke Moseke Ilaijake omninakeno, Jisasi Agrake mani'nege'za ke'naze.

⁹Zamagrama agonaregati magoka eneramizageno hanave ke zmasamino, ke'naza zana vahera ozmasamitfa hu'nenkeno, Vahe'mofo Mofavremo'a, fripinti otiteno hu'ne.

¹⁰Zamagra'a fritena otitanenoma hia nanekema nentahiza, na agu'agesare nehie hu'za hu'naze.

¹¹Anante zmagra Jisasina anage hu'za antahige'naze, na'a hige'za kasegere ugagota hu'naza vahe'mo'za, hu'za Ilaija'a etenkeno'e hu'za nehaze?

¹²Jisasi'a anage huno zmasami'ne, Tamage Ilaija ko eno maka'zama haviza hu'neazana eriso'e hu'ne. Hagi na'a higeno avontafepina krenteno, Vahe'mofo Mofavremo'a rama'a ataza erina, vahe'mo'za zamefi humigahaze hu'ne?

¹³Hianagi anage hu'na neramasamue, Ilaija'a ko' ehanatige'za nanknazama hunte'nakuma haza'zana avon tafepima kre'nea kante ante'za maka'zana hunte'naze.

¹⁴Jisasi'ene tagufa amage'ma nentaza disaipol nagamo'zama, ete ruga'a amage'ma nentaza disaipol nagatema, e'za eme zmagazana kasegere ugagota hu'naza vahe'mo'za keha renezmantazageno eme zmage'naze.

¹⁵Ana maka vahe'mo'za Jisasina nege'za antri nehu'za, ame hu'za zmagare'za vu'za muse ome hunte'naze.

¹⁶Jisasi'a huno na'anku huge antahige zamagranena nehaze huno zmantahige'ne?

¹⁷Tusi'a vahepinti mago'mo ana kemofo nona'a anage hu'ne, Rempi hurami ne'moke, havi avamumo agu'afi mani'neno agira eri antrako higeno, ke nosia mofavreni'a avarena Kagrite neoe.

¹⁸Anama havi avamumo agu'afi nefreno'a azeri traka hutregeno mopafi masenegeno, ahirahi neregeno agipinti agremo zuzu nehigeno, avera anikreki nehuno mase havavu nehie. Ana nehigena avre'na Kagri kamage'ma nentaza disaipol nagate havi avamu humegi atresazegu zmantahigo'anagi, azeri so'e huonte'naze.

¹⁹Ana kemofo nona'a Jisasi'a anage huno zmasami'ne, tamagra tamentinti osu vahere! Nama'a gna tamagra nena manigahue? Nama'agna tmagri kna erina vugahue? Ana mofavre avaretma Nagrite eho.

²⁰Hagi ana mofavre avare'za azageno, havi avamumo Jisasima anama negeno'a, ana mofavre azeri traka hutregeno mopafi traka huno maseno rukre rukre nehigeno, agipinti agremo zuzu huramine.

²¹Ana nehigeno Jisasi'a ana mofavremofo nefana antahigeno, Nanknafi ana zana agafa hu'ne? Higeno, mofavre maninegeno anazana fore humine huno hu'ne.

²²Rama'a zupa tevefine tirupine ahefri'naku azeri traka hunetre. Hagi Kagrama azahuga hunesunka, kasunku hurantenka taza huo huno hu'ne.

²³Jisasi'a anage huno ana mofavremofo nefana asami'ne, na'a higenka kagrama azahuga hunesunka azeri otio hunka nehane? Hagi mago'moma amentinti huno, maka'zana fore hugahie hanimofontera, amane maka'zana fore hugahie.

²⁴Ana mofavremofo nefa'a ranke hantka huno anage hu'ne, namentinti huanki namentintima osu'zana naza huo!

²⁵Jisasima keama rama'a vahe'mo'za ame hu'za eritru nehazageno, havi avamura hanavetino hunteno, kagra vahe'mokizmi zmazeri negi nenenka zamagi zamazeri antrako nehana havi avamumoka, hugantoanki agu'afintira atiraminka nevunka, mago'anena eofro.

²⁶Higeno ranke huno azeri tagosi tagosi nehuno atiramino enevigeno, ana mofavremo fri vahekna huno mase'nege'za, hago frine hu'za hakare vahe'mo'za sumi sumi ke hugantigama hu'naze!

²⁷Hianagi Jisasi'a azante akoheno azeri otigeno oti'ne.

²⁸Ana huteno Jisasi'a nompi umarerige'za, amage'ma nentaza disaipol naga'mo'za, Agrane zamagraku umani'ne'za, na'a higeta havi avamura ahenati notrone hu'za antahige'naze?

²⁹Jisasi'a anage huno zmasami'ne, amana huknazana, nunamuhu kantetike huntesageno atiramigahie.

³⁰Jisasi ene amage'ma nentea disaipol naga'mo'za ana kumara atre'za, atiramiza Galili kaziga rukitagiza vu'naze. Hianagi Jisasi'a kama vazama'a mago vahemo antahi zankura ave'osine.

³¹Na'ankure amage'ma nentea disaipol nagara rempi hunezamino, anage huno zmasami'ne, Vahe'mofo Mofavre avare'za ha' vahe zmazampi antesageno ahe frina, tagufa kna maniteno kerifintira otigahie.

³²Hianagi ana naneke antahi ama nosu'za, antahige'zankura koro hu'naze.

³³Ananteti Kapanea kumatega ete'za, Jisasima nompinka enemanino'a anage huno zmantahige'ne, Kantegama ne-eta na'anku keaga huta e'naze?

³⁴Hianagi kantegama ne-eza i'za amu'nontifintira ugagota hu'ne hu'za hugantugama hu'nazagu, zamagra kea osutfa hu'naze.

³⁵Anante'ma Jisasi'ma mopafima nemanino 12fu'a amage'ma nentaza disaipol naga'a, kehuno anage huno zmasamine, iza'o ugagota hunaku'ma hanimo'a, henkarfa nemanino, maka vahe'mofo eriza vahe manigahie.

³⁶Agra osi mofavre amunozmifi azante azerino azeri onetino, anage huno zmasami'ne.

³⁷Iza'o amanahu'kna osi mofavre, Nagri nagifi avreno azeri so'e huntesimo'a, Nagri navareno nazeri so'e hunantegahie. Iza'o Nagri'ma nevareno nazeri so'e hunante'nimo'a, Nagrike navreno nazeri so'e osugahianki, Nenfa hunantege'na e'nomofo avreno azeri so'e huntegahie.

³⁸Joni'a Jisasi asamino, Hurami ne'moka mago ne'mo kagri kagifi havi avamutamina humegi netregeta negeta, ana osuo huta hunte'none. Na'ankure ana ne'mo'a tagranena vano osu'negu ana osuo huta asevazinte'none.

³⁹Hianagi Jisasi'a anage hu'ne, i'o huonteho, na'ankure mago vahe'mo'e huno Nagri nagifima kaguvazama nehanimo'a, hantga huno hu haviza hu onantegahie.

⁴⁰E'ina hu'negu iza'o tagri'ma ha'marema norante'nimo'a, tagri kaziga mani'ne.

⁴¹Na'ankure tamage hu'na neramasamue, iza'o, Kraisi amage'ma nentaza disaipol naga zmaza hanue huno nehuno, tima afi tamisimofona, mizama'amo'a fanane osugahie.