Maka 8:17-36

¹⁷Jesu den bandi, ki yedi ba, be ya po yo i tua, tii pia dupe? ii daa pia ya yanfuoma ba fidi ki gaa yo bi? bi i pala n joagi?

¹⁸i pia i nuni, ii nua yo? i pia a tuba, ii gba yo? ii pia tiadima yo?

¹⁹min den cabidi cabidi bi dupe muudiba, niba tudamu po yeni, i den tugi dupe jena babola ŋa yo? bi den yedi: piiga liee!

²⁰Min den cabidi cabidi bi dupe leleediba niba tuda na po yeni, i den tugi babola ŋa yo? bi den yedi: a lelee!

²¹O den yedi ba hali moala ii gaa?

²²bi den gedi betesada, ke bi cuani o joamo, Jesu kani, ki mia O ke wan si o,

²³Jesu den muubi o buagu ki dadi ki ñano u dogu nni, ki tieni o nunii po ti ñinsandi, ki maani O nii o po, ki buali, o ya nua bonla baa?

²⁴o den nuali, ki yedi, n nua bi niba, ke bi nani nani i tiidi yeni ki cuona.

²⁵Jesu go den maani O nii o nuni po, lani, joamo yeni den nuaadi.

²⁶lanwani, Jesu den yedi o, kuni a denpo, ŋa n da kua u dogu nni ka.

²⁷Jesu den tagini ki ban ca leni O ŋoadikaaba sesale leni filipa yaa dogi nni. O den buali ba usanu nni, bi tua ke n tie ŋme yo?

²⁸bi den goa yedi O, Jan Baptis, tuaba tua Elia, tua ba mo tua ke bisawalipuaba nni yendo yo. i mote? i mo tua ke n tie ŋme yo? pieli den goa ki yedi O.

²⁹A tie kilisti yo, Utienu n gandi yua.

³⁰Jesu den teni ba liñoabonli ke ban da waani la oba kuli.

³¹lanwani, O den cili ki wangi ba ke O ba lee fala boncianla, ke bi nikpeliba leni bi kopadicianba yudanba, leni li balimaama bangikaaba, ba yie O, ki kpa O, ama ke O ba goa fii li dantaali daali bi tinkpiba siiga.

³²wa n den kadi ki waan ba lani. pieli den dadi ki ñano ku niligu nni, ki funi leni O

³³ama, Jesu den jigidi ki nuali O ŋoadikaaba yaaba n sieni, ki funi leni pieli, ki yedi, foagidi leni nni sutaani, kelima a gaani Utienu yantiali, fini wani li pia nissaali yantiali baba yo.

³⁴lanwani Jesu den yini ku niligu leni O ŋoadikaaba ki yediba. yua n bua ki yaa ŋoa nni, kali wan yee o yuli, ki tuo ki tugi o dapoanpoanli ki yaa ŋoa ni.

³⁵kelima, yua n bua ki faabi o miali, ba luo li, ama yua n luo li kelima n ya po leni o labaaliŋamo po kuli, ba faabi.

³⁶be ya todima n ye yua n ba li ŋandunli nne bonla kuli po, o naano ya bodi.