Luuka 11:6-17

⁶mwaasa yoori eetta ota swaahipu aka onti na akina hatha etthu yoomwinkha.’

⁷Khi amana swaahipu enu oojipuni ari nnyupa mwawe araka: ‘Ohikantipu! Miiyo kafuka milako zaka, karapalela na aanaaka alala; akinwahi olankha yoori kuupatthise phaawu zaya.’

⁸Weekhweele miiyo kiniwuuzani yoori, hatha nkhama khatakheeni olankha yoori oopatthise phaawu mwaasa w'ooswaahipu, oniishela olankha na awinkhe zooshi onhithajiyaazo mwaasa wa nthiti.

⁹Ti eto kiniwuuzaanini yoori: Mwiveke, mwintta winkhiwa; mweekese mwintta opattha; mwipiye nlako mwintta ofukuleliwa.

¹⁰Maana wakhula anvekaaye oninkhiwa, aneekesaaye ompattha, ampiyaaye nlako ontta ofukuleliwa.

¹¹Paapa-ni mmote wa mweeyo anraaye mwanawe anvekeliye phaawu khumwinkha liwe? Ama anvekeliye swi khumwinkha nyookha?

¹²Wala anvekeliye laayi khumwinkha wenye?

¹³Moone, mweeyo wootakhala rooho mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

¹⁴Siikhu moote, Yinsa aari omwiikara sheethwani mmwiili wa mwinyi mmote antotheliyeeyo ohittakhuli. Wakathi ansaruwiyeevo sheethwani otule, ye khwaaza ottakhula; apale aari omoonaaye khushanka.

¹⁵Ila atthu akina khusala alupa yoori: “Ye oniikara masheethwani na owahi wa Belezibuuli, mfwalume wa masheethwani.”

¹⁶Akinoko eetta omweeza, khusala anvekela alama moote ya pinkuuni.

¹⁷Yinsa khujuwa vitthu aari ofikhiraazo, khuwooza yoori: “Ofwalume woojaawanya khusala wuumana oniishelana otapanyeya, na ojama wa waawanyeya oniishelana wiisha.