16“Mose kile kaman ka te ka kebe yal para minin ganin bilungwa pai dimua. Pai di ongwa ongwa, ena nil bile tongwa yal Yon ungwa iwe. Ungure pare God kenin ere ke milungwa ka main gariba kole kole ware omua. Ongure ibal main i pirala dire, konagi nega di eremua.
17Dibinba kamin te gariba wei sinangwa konagi megemaa painamba, Mose kile kaman ka minin ganin taranta wei sinangwa, konagi bil painamua. Painamia imo di painangwal painamua.
18“Yal ta ebinbi de erere abal ta inamia, abal i kunibe ingwa mere inamua. Te yal ta abal de erangure, yal ta abal i inamia, ena yalini abal i kunibe ingwa mere inamua.”
19Yesu ka ta ainere iru dungwa, “Goma bona gana aa te nongwa yal ta milere, galsuna wai dungwa morin sigi direre, te kaun kaun komina wai morin nomua.
20Ena yal digan ta kaan Alasaras para milere nimbona binanbile erungure, ibal taw yalini awli ungure, bona gana aa te nongwa yal kana giran pai milere, yalini iru pirungwa,
21‘Bona gana aa te nongwa yal komina nenangwa sire manin taw yaa bol main ale sinangure, nere kubin maanamua.’ Dungure te awi ure yalini nimbona erungwa, pene ere nongirawa.
22Yal digan iray gulungure, angel kobe awli pi Ebarakam milungwa gul ongwa, yal sui bole pena galemua. Bona gana aa te nongwa yal gulungure, maul si yomua.
23Enderin de paangwa ai milere giil bil pirere, kane yebe erere Ebarakam te Alasaras bole para tayan milungwa kanere
Luku 16
Luku 16:16-23