Luka 16:16-23

¹⁶“Laugagaeo eo peroveta huiadi se laoma e Ioane arinai: murina eai Eaubada ena basileia se guguiaei, eo tatao gamagaridi se lau adidiriesega se lulau boeana eai.

¹⁷Galewa eo tanoubu abo se lautom, laugagaeo eai mo taba nige iota esau i lautom.

¹⁸“Tau esau eo esau monena i inawasei, sine esau abo i tawasorai i ganaganawari; eo tau esau eo esau sine wa monena i inawasei wa i tawasorai ia hinage i ganaganawari.

¹⁹Tau monamonaune esau, ana lulu buiabuiana eo linen lolona i luidi, eo asubena gamagamagaridi aiai lolodi mo i aiaidi.

²⁰Tau awaawanori esau esana Lasaro, tau wa ena dobila guduna eai se heota, ia tauna bonu se laugirihai.

²¹Ena gadosisi tau monamonaune ana aiai mapuradi ena hatahata eai se beu bena i abidi i aidi: hinage kedewa se laoma ia bonuna se ainamosidi.

²²Tau awaawanori wa abo ie mate, aneru ia abo se laei Aberahama nuapouna eai se tore; eo tau monamonaune hinage ie mate, ia abo se tore.

²³Hade eai i amamna, matana i tusaei Aberahama ie ita eda lohaloha eai, eo Lasaro ia nuapouna eai.