16යෝහන ආගමනපර්ය්යනතං යුෂ්මාකං සමීපේ ව්යවස්ථාභවිෂ්යද්වාදිනාං ලේඛනානි චාසන් තතඃ ප්රභෘති ඊශ්වරරාජ්යස්ය සුසංවාදඃ ප්රචරති, ඒකෛකෝ ලෝකස්තන්මධ්යං යත්නේන ප්රවිශති ච|
17වරං නභසඃ පෘථිව්යාශ්ච ලෝපෝ භවිෂ්යති තථාපි ව්යවස්ථායා ඒකබින්දෝරපි ලෝපෝ න භවිෂ්යති|
18යඃ කශ්චිත් ස්වීයාං භාර්ය්යාං විහාය ස්ත්රියමන්යාං විවහති ස පරදාරාන් ගච්ඡති, යශ්ච තා ත්යක්තාං නාරීං විවහති සෝපි පරදාරාන ගච්ඡති|
19ඒකෝ ධනී මනුෂ්යඃ ශුක්ලානි සූක්ෂ්මාණි වස්ත්රාණි පර්ය්යදධාත් ප්රතිදිනං පරිතෝෂරූපේණාභුංක්තාපිවච්ච|
20සර්ව්වාඞ්ගේ ක්ෂතයුක්ත ඉලියාසරනාමා කශ්චිද් දරිද්රස්තස්ය ධනවතෝ භෝජනපාත්රාත් පතිතම් උච්ඡිෂ්ටං භෝක්තුං වාඤ්ඡන් තස්ය ද්වාරේ පතිත්වාතිෂ්ඨත්;
21අථ ශ්වාන ආගත්ය තස්ය ක්ෂතාන්යලිහන්|
22කියත්කාලාත්පරං ස දරිද්රඃ ප්රාණාන් ජහෞ; තතඃ ස්වර්ගීයදූතාස්තං නීත්වා ඉබ්රාහීමඃ ක්රෝඩ උපවේශයාමාසුඃ|
23පශ්චාත් ස ධනවානපි මමාර, තං ශ්මශානේ ස්ථාපයාමාසුශ්ච; කින්තු පරලෝකේ ස වේදනාකුලඃ සන් ඌර්ද්ධ්වාං නිරීක්ෂ්ය බහුදූරාද් ඉබ්රාහීමං තත්ක්රෝඩ ඉලියාසරඤ්ච විලෝක්ය රුවන්නුවාච;