Lukaj 3:2-30

²Ni muein Anaj o Kaipaj jamero lapalap, majan en Kot ap pwara don Ioanej nain Jakariaj nan jap tan.

³I ari kotikot jili nan jap karoj ni kail en Iordan, padapadak duen paptaij en kalula on lapwada dip akan,

⁴Duen a intinidier nan puk en majan akan en jaukop Iejaia, me majani: Nil eu likelikwir jili nan jap tan: Komail kaonopada al en Kaun o, kaineneda al a!

⁵Wau karoj pan audaud o nana o dol karoj pan patapatedi, o me pirok, pan inenla, o me ululen, pan patapatela.

⁶Uduk karoj pan udial kamaur en Kot.

⁷A ap majani on aramaj akan, me koieila, pwen paptaijla re a: Dakot, wan oter komail; ij me padaki on komail, en piti jan ni kamekam, me kokodo?

⁸Ari komail kapareda wan kalula mau. A komail depa lamelame, me komail pan indan pein komail: Nan Apraam jam atail. Pwe i indai on komail, me Kot kotin kak on wiaki on Apraam na jeri kai takai pukat.

⁹Jile o mier ni tapin tuka kan. Ari, tuka karoj, me jo wa mau, pan palepaledi o lokidokila nan iai.

¹⁰Pokon o ap idok re a indada: A da me kit en wia?

¹¹A kotin japen majani on irail: Meamen, me a jakit riau, i en ki on, me jota a. O me kan a kijin mana mia, i en wia dueta.

¹²A jaunopwei kan pil pwara don i pwen paptaij, irail potoan on i: Jaunpadak, a da me kit en wia?

¹³A majani on irail: Komail der ale laude jan me kileledier.

¹⁴Jaunpei kan ap pil kalelapok re a indada: A da me kit en wia? A majani on irail: Komail der kaloke mal meamen, o der wia japun on meamen, a komail ale pwain omail o injenemau kila.

¹⁵Aramaj akan lao kiki on o monemoneloleki, me Ioanej me Krijtuj,

¹⁶Ioanej ap japen majani on irail karoj: I paptaij kin komail pil, a me laude jan ia kotido muri, me i jowar on, en lapwada jal en japwilim a jut, i me pan paptaij kin komail Nen jaraui o kijiniai.

¹⁷Tanir mi nan lim a, a pan kotin koko melel japwilim a pera, ap nekid pena wan korn nan japwilim a im en nak, a dip a pan kotin karon kila kijiniai jokun.

¹⁸O jon toto, me a kotin panaui aramaj akan o padaki on pokon o ronamau.

¹⁹A nanmarki Erodej, me Ioanej kapun pweki Erodiaj en ri a ol a paud, o pweki jued karoj, me Erodej wiadar,

²⁰Kalaudela dip a ni a jaliedi Ioanej nan imaten.

²¹A kadekadeo aramaj karoj lao paptaijelar, o Iejuj pil paptaijelar o kotin laolaoki, nanlan ap ritida,

²²O Nen jaraui kotidi don i ni mom en muroi men, o nil eu jan nanlan majani: Koe nai Ol kompok, me I kin peren kida.

²³Iejuj impan jaunpar jileijok ni a kotin tapiada jaunpadak, o re kikion me i nain Iojep, me nain Eli,

²⁴Me nain Matat, me nain Lewi, me nain Melki, me nain Ianej, me nain Iojep,

²⁵Me nain Matatia, me nain Amoj, me nain Naum, me nain Ejli, me nain Nakai,

²⁶Me nain Maat, me nain Matatia, me nain Jimei, me nain Iojep, me nain Iuda,

²⁷Me nain Ioanan, me nain Reja, me nain Jerupapel, me nain Jalatiel, me nain Neri,

²⁸Me nain Melki, me nain Adi, me nain Kojam, me nain Elmodam, me nain Er,

²⁹Me nain Iojej, me nain Eliejer, me nain Iorim, me nain Matat, me nain Lewi,

³⁰Me nain Jimeon, me nain Iuda, me nain Jojep, me nain Ionam, me nain Eliakim,