Luk 3:2-30

²Anas, Kaiapis piiriita harapa opelen otii tar ma tar. Eeta nedii God riiti maji eeta Jon, Sekaraia riiti yikapwa, riitaka yar. Rii me bish tar eemek eetaka tar.

³Yarek, Jon riita Jodan pak bana bana tar nosapek i ye ya tar. I ye ya tarek, rii eecha sawotar, “Noti kapasek otii tawa boboyen na diireboyechi uku yeetii poy. Wonyey, God riita kwoti kapasek boboyen bachi poyekiita.

⁴Piirapet Aisaia riita keyir maji eecha wor: “Me biish tar eemek aya sii eeka uwato: ‘Harapa riiti nobon na sayarechicha! Eye nobo na tak seechi. Wonyak, riipa eeka ikiita.

⁵Tabotii wawu woy takiikii siitakiita. Eye harapa kwow karakada kwow otiiniga sheyshey siitakiita. Kuriikwor tawa nobo otii danegwa seechikiita. Tomo tam papaka tawey, otii kepi siikiita.

⁶Eye ma mima yecha God riita eysokwa yichi tawa boboyen yecha hekiita!”

⁷Nokwapa nokwapa ma mima yecha Jon riitak uku yeechik yatar. Rii yenya eecha wor, “Kwo hopo yechi yikapwa. Kapo nama kwona eecha wor, ‘Komas God riiti kwotaye yana boboyen na heechi akii i.’

⁸Kwo na yo otiichi akar man na mukuchicha: Kwota kwi kapasek boboyen heechir. Opoche kwota eecha batanakech, ‘No Ebraham riiti yikapwa.’ Ada kwona siikiin wocho, God rii eeta kiki sowa rii papan yeechiniga otiichirek, Ebraham riiti yikapwaga eecha siikiita.

⁹Yeebiiru me muk bana bana wato. Eyey me omu wanan siiney, iipa ye yechi hik rabokiita.”

¹⁰Ma mima yecha riina wohechar, “Nopa boyen otiikiita?”

¹¹Rii awasen eecha wor, “Ma por rii siivatabi upurus taney, poren na biish tana man ha. Ma aboboy taney, napa eechaba ha ta.”

¹²Takis yan ya tawa ma uku yeechik yar. Yarek, ye Jon riina woher, “Tisa, nopa boyen otiikiita?”

¹³Rii yaka yakasakech.”

¹⁴O ana pichawa soldia kaw ye riina woher, “Nopa boyen otiikiita?” Rii awasen eecha wor, “Kwota yan woshepii yeechi kwowuk woyetanakech. Kwota piken otiichi yan wohegiya yatanakech. Anasak tawa aka woshepii batanakech. Kwo opoche yakech keyi tanakech. II siikayekiisii.”

¹⁵Ma mima yechi inyakak hikiniga kowutar. Jon riina harapa hikitar. Inyaka hikichi wor, “Rii kapo mapo wotar yak tawa Kraist.”

¹⁶Worek, Jon rii yenya eecha wor, “Ada kwona ukuk uku yeechichu. Komas ma por rii yanak, riipa harapa siikiita. Ada karakada siikiita. Ada saka kikisowak, wonyak, ada riitii yatiin su poko hogok wonyak. Riipa kwona Holi Spiritek hika eeka uku yeechikiita.

¹⁷Rii riiti gishagu riita tapak neekitu. Tapak neekitawak, riita kepika, kapasekiika keyiboto. Otii tawak, riita witen heechi tawa akak heechinak, sharega rii yeechi hik eechaba eechaba tukutakiita.”

¹⁸Hadabas majin sawochiniga nokwapa nokwapa nobon Jon riita ma miman yenya kiyapotar.

¹⁹Worek, Jon riita Herot, harapa gavman ma riina o maji bar. Herot rii mima pochin, riiti yaka riiti mima siina yar. Akar kapasek boboy otiiba tarek, eena Jon rii riina o maji bar.

²⁰Worek, Herot rii way kawka kapasek boboyen otiir. Rii Jon riina pokok jir.

²¹Eeta nedii Jon rii ma mima yenya uku yeechi hamarek, rii Jisas riina uku yeechibar. Worek, Jisas rii God riina maji batarek niir eeka tagwar.

²²Tagwarek, Holi Spirit rii sejikiirega eecha haga riitak yar. Worek, aya niirek uwari eecha wor, “Ada miina kwoya hecho. Mii eeji Yikapwa. Eeji inyaka miina kwoya woy hikitu.”

²³Jisas riita riiti yon yesokwari rii 30 sukwiya tar. Ma mima eecha hikitar rii Josep riiti yikapwa. Josep rii Hilai riiti yikapwa. Hilai riita Matat riiti yikapwa.

²⁴Matat riita Livai riiti yikapwa. Livai riita Melkai riiti yikapwa. Melkai riita Janai riiti yikapwa. Janai riita Josep riiti yikapwa.

²⁵Josep riita Matataias riiti yikapwa. Matatais riita Emos riiti yikapwa. Emos riita Neam riiti yikapwa. Neam riita Eslai riiti yikapwa. Eslai riita Nagai riiti yikapwa.

²⁶Nagai riita Meat riiti yikapwa. Meat riita Matatais riiti yikapwa. Matataias riita Semen riiti yikapwa. Semen riita Josek riiti yikapwa. Josek riita Joda riiti yikapwa.

²⁷Joda riita Joanan riiti yikapwa. Joanan riita Resa riiti yikapwa. Resa riita serababel riiti yikapwa. Serababel riita Sialtiel riiti yikapwa.

²⁸Sialtiel riita Nerai riiti yikapwa. Nerai riita Melkai riiti yikapwa. Melkai riita Edai riiti yikapwa. Edai riita Kosam riiti yikapwa. Kosam riita Elmedam riiti yikapwa. Elmedam riita Ea riiti yikapwa.

²⁹Ea riita Josua riiti yikapwa. Josua riita Eliesa riiti yikapwa. Eliesa riita Jorim riiti yikapwa. Jorim riita Matat riiti yikapwa. Matat riita Livai riiti yikapwa.

³⁰Livai riita Simion riiti yikapwa. Simion riita Juda riiti yikapwa. Juda riita Josep riiti yikapwa. Josep riita Jonam riiti yikapwa. Jonam riita Elaiakim riiti yikapwa.