LUKU 3:2-30 - Luda yã takada kↄ̃n Bokobaru yão

LUKU 3:2-30

Click on verse(s) to share them!

²Anasa kↄ̃n Kayafaon sa'orikinↄ ũ. Gurↄↄ mↄ̀a Luda yã ò Zakari nɛ́ Yaayanɛ gbáan.

³Ben à fɛ̀ɛ èe ligaa Yoda baa kãa kpa kↄ̃n baa kɛ̀ kpaaozi píngi, èe waazi kɛɛ gbɛ̃nↄnɛ. À òńnɛ aↄ̃ ń nↄ̀sɛ liɛ aↄ̃ batisi kɛ, Luda é ń durunnↄ kɛ̃ńnɛ.

⁴Lán à kú annabi Isaya takada guu nà à bè: À baarukpari kòto ma dↄ gbáan, èe bee à zɛ́ kɛkɛ Diinɛ, à zɛ́ wɛ́wɛnↄ poronɛ súusu.

⁵Guzurɛ píngi é tata, kpiiinↄ kↄ̃n sĩ̀sĩnↄ é daɛ píngi. Zɛ́ kotinanↄ é poro súusu, zɛ́ wokũwokũnↄ é kpakↄ̃sↄ̃,

⁶gbɛ̃ sãnda píngi é e lán Luda è ń mì sí nà.

⁷Gbɛ̃nↄ ègↄ̃ mↄↄ à kiia pari aↄ̃ batisi kɛ, ben è beńnɛ: Gbɛ̃ntee pitigoonↄ! Dé bé à lɛ́ dàawa à bàa sí pↄfɛ̃ kɛ̀ Luda é pitaḿmanɛ?

⁸À nↄ̀sɛliɛna yã kɛ, weégↄ̃ dↄ̃ kɛ̀ a liɛ. Kɛ̀ Ibraĩ dɛ a dezi ũ, àtongↄ̃ daa kɛ̀ beee bé eé a bↄro. Mɛ́ɛ ooare, Luda é fↄ̃ à gbɛ̀ kɛ̀nↄ kɛ Ibraĩ boriinↄ ũ.

⁹Kpása diɛna línↄzi kↄ̀. Luda é lí kɛ̀ è nɛ́ maaa iroo zↄ̃ à zu tɛ́ guu.

¹⁰Gbɛ̃nↄ à là wà bè: Tó lɛmɛ, wé kɛ diamɛ?

¹¹À wèńla à bè: Gbɛ̃ kɛ̀ uta vĩ mɛ̀n plaaa à à doo kpá gbɛ̃ kɛ̀ vĩrooa. Gbɛ̃ kɛ̀ pↄ́blee vĩ à kɛ lɛ dↄ.

¹²Bɛ'ↄↄsirinↄ mↄ̀ batisi kɛ, ben aↄ̃ à là wà bè: Dannɛri, wé kɛ diamɛ?

¹³À wèńla à bè: Àton bɛ'ↄↄ síḿma dɛ lán wà dìɛ nàlaro.

¹⁴Sozanↄ à là: Wapinↄ sↄ̃, wé kɛ diamɛ? À bèńnɛ: Àton gbãaa mↄ gbɛ̃nↄnɛ à ń blero. À zɛ kↄ̃n fĩa kɛ̀ wè boareeo.

¹⁵Gbɛ̃nↄ tãmaa e kaara. Baade píngi e laasuu lɛɛ a nↄ̀sɛ guu Yaaya yãa, tó àmbe Mɛsaya ũ.

¹⁶Yaaya bèńnɛ ń píngi: Mɛɛ̀ a batisi kɛ kↄ̃n íomɛ, mↄde gbɛ̃ke é mↄ́ à gbãaa dɛmala, mɛ́ɛ ká mà à kyatee bↄbↄnɛro. Àmbe eé a batisi kɛ kↄ̃n Luda Ninio kↄ̃n tɛ́o.

¹⁷À gbaka kũna kɛ̀ eé pↄ́ fão. Eé pↄ́wɛɛ ká a dↄ̃̀n, eé à sàko ká tɛ́ kɛ̀ è garoo guu.

¹⁸Yaaya baaru nna kpannɛna guu à nàkↄ̃rɛḿma kↄ̃n yã pãndenↄo pari.

¹⁹Ben à kpã̀kɛ̃ kí Hɛrↄduzi a vĩ̀i naↄ̃ Hɛrↄdia yã musu kↄ̃n yã zaa pãnde kɛ̀ à kɛ̀nↄ píngi,

²⁰ben Hɛrↄdu ɛ̀ara à yã zaaa kɛ̀ dↄ, à Yaaya dà kpɛ́siaan.

²¹Kɛ̀ Yaaya e gbɛ̃nↄ batisi kɛɛ ń píngi, à Yesu batisi kɛ̀ se. Gurↄↄ kɛ̀ Yesu e adua kɛɛ, ludambɛɛ wɛ̃̀kↄ̃a,

²²ben Luda Nini sùa, à dɛ lán pↄ̃tɛ̃ɛ bà. Ben à kòto mà bↄna ludambɛ à bè: Ḿbe ma Nɛ́ mɛ̀n do léle yenzidee ũ, kɛ̀ ma pↄↄ nnamma maamaa.

²³Gurↄↄ kɛ̀ Yesu nà a zĩia, à kà wɛ̃̀ baaakuri taka. Wèe daa Yusufu nɛ́'inamɛ. Yusufu sↄ̃ Eli nɛ́mɛ,

²⁴Eli sↄ̃ Matata nɛ́mɛ, Matata sↄ̃ Levi nɛ́mɛ, Levi sↄ̃ Mɛlɛki nɛ́mɛ, Mɛlɛki sↄ̃ Yanai nɛ́mɛ,

²⁵Yanai sↄ̃ Yusufu nɛ́mɛ, Yusufu sↄ̃ Matatia nɛ́mɛ, Matatia sↄ̃ Amↄsi nɛ́mɛ, Amↄsi sↄ̃ Naumu nɛ́mɛ, Naumu sↄ̃ Ɛsɛli nɛ́mɛ, Ɛsɛli sↄ̃ Nagai nɛ́mɛ,

²⁶Nagai sↄ̃ Maata nɛ́mɛ, Maata sↄ̃ Matatia nɛ́mɛ, Matatia sↄ̃ Sɛmɛi nɛ́mɛ, Sɛmɛi sↄ̃ Yosɛki nɛ́mɛ, Yosɛki sↄ̃ Yoda nɛ́mɛ, Yoda sↄ̃ Yoanana nɛ́mɛ,

²⁷Yoanana sↄ̃ Resa nɛ́mɛ, Resa sↄ̃ Zɛrubabɛli nɛ́mɛ, Zɛrubabɛli sↄ̃ Sealatiɛli nɛ́mɛ, Sealatiɛli sↄ̃ Nɛri nɛ́mɛ, Nɛri sↄ̃ Mɛlɛki nɛ́mɛ,

²⁸Mɛlɛki sↄ̃ Adi nɛ́mɛ, Adi sↄ̃ Kosamu nɛ́mɛ, Kosamu sↄ̃ Ɛlɛmadamu nɛ́mɛ, Ɛlɛmadamu sↄ̃ Ɛɛ nɛ́mɛ, Ɛɛ sↄ̃ Yↄsua nɛ́mɛ,

²⁹Yↄsua sↄ̃ Ɛliɛza nɛ́mɛ, Ɛliɛza sↄ̃ Yorimu nɛ́mɛ, Yorimu sↄ̃ Matata nɛ́mɛ, Matata sↄ̃ Levi nɛ́mɛ, Levi sↄ̃ Simɛↄ nɛ́mɛ,

³⁰Simɛↄ sↄ̃ Yuda nɛ́mɛ, Yuda sↄ̃ Yusufu nɛ́mɛ, Yusufu sↄ̃ Yonamu nɛ́mɛ, Yonamu sↄ̃ Ɛliakimu nɛ́mɛ, Ɛliakimu sↄ̃ Mɛlɛa nɛ́mɛ,