Lukaj 24:2-26

²Irail ari diaradar, me takai o kadapura jan joujou o,

³O irail lao pedelon on lole, ap jota diarada kalep en Kaun Iejuj.

⁴Kadekadeo irail lao injenjued kidar, kilan, ol riamen, me likau kida likau linan, ap pwara don irail.

⁵Irail lao majapwekadar o ikiokidi nan pwel, ira ap majani on irail: Da me komail raparapaki me maur amen ren me melar akan?

⁶A joer kotikot met, a iajadar. Tamanda, me a kotin majani on komail ni a kotikoteta Kaliläa,

⁷Mamajani: Nain aramaj pan panalan ni pa en me dipan akan, o lopuela, o ni ran kajilu a pan iajada.

⁸Ir ari tamanda a majan akan.

⁹O purodo jan nin joujou o, ap kaireki mepukat on ekamen ko o on me tei kan karoj.

¹⁰Maria men Makdala, o Ioana, o Maria in en Iokopuj, o me tei ko me ian irail, me kaireki mepukat on wanporon akan.

¹¹A arail kajoi likamata kajoi likam pot re ’rail, ap jota kamelele.

¹²Petruj ap uda tanalan joujou o, rukedi on lole, ap diarada, me likau linen akan ta wonon waja kij, ap purodo jan o puriamui kida me wiauier.

¹³A kilan ni ran ota riamen re ’rail momaitelan kijin kanim eu ad a Emauj; a doo jan Ierusalem mail wonu de iju.

¹⁴Ira ari kajokajoi penaer duen mepukat karoj.

¹⁵Kadekadeo ni ara kajokajoi o idedok pena, pein Iejuj ap kotin pwara don ira o ian ira kotila.

¹⁶A maj ara me atiat, pwe re de aja i.

¹⁷I ari kotin majani on ira: Da me koma kajokajoi pena ni oma alialu, o da me koma injenjued kila?

¹⁸Amen ira, me ad a Kleopaj, ap japen indan i: Koe men wai ta men nan Ierusalem, me jaja, me wiauier waja o ni ran pukat?

¹⁹A kotin majani on ira: Pwe dakot? Ira ap indan i: Duen Iejuj en Najaret, me jaukop manaman amen ni a wiawia o majan akan mon Kot o aramaj karoj.

²⁰O duen jamero lapalap o atail jaumaj akan ar panala i pwen pakadeikada on matala o kalopuela i.

²¹A je kiki on, me a pan kotin kamaioda wein Ijrael. Ari ran wet pon jili pon murin mepukat wiauier.

²²O pil kij at li akai kamajak kin kit ar pwaralan joujou o jankonai.

²³Ni ar jota diar kalep a, rap puredo indada, me re diaradar janjal en tounlan kai, me katitiki, me a iajadar,

²⁴O kij at kai kolan joujou o, ap diaradar, duen li oko kajokajoida, a i me re jota diarada.

²⁵A kotin majani on ira: O koma meid lolepon o pwand nan monion omail, en kamelele meakan, me jaukop akan kopadar.

²⁶Kaidin i, me udan Krijtuj en kalokolok ap kodalan a linan?