Luka 9:3-30

³Thaj vačarda lenđe: “Khanči ma len dromese, ni rovli ni trasta ni so te xan ni pare, thaj te ma avol tumen po duj fostanura.

⁴Kana đan an nesavo than, bešen an jekh čher, đi kaj ni pojdin an aver than.

⁵Te ni manglje tumen ane gova than, ikljen gothar thaj tresin o praho tar tumare pingre, sar svedočanstvo so ni lije o lafi e Devleso.”

⁶Thaj e sikade đele taro than ko than thaj vačarde o Lačho Lafi thaj sastarde e manušen ke sa e thana.

⁷Thaj kana šunda o Irod o vladari, tar sa so o Isus čerda, sasa bunimo golese kaj nesave vačarde kaj o Jovane o Krstitelji uštilo tare mule.

⁸Avera vačarde kaj sikadilo ki phuv o Ilija, a nesave vačarde kaj uštilo tare mule nesavo proroko taro purano vreme.

⁹Thaj vačarda o Irod: “E Jovaneso šoro me čhindem, a savo si akana kava kastar gasave čudura šunav?” Thaj manglja te dičhol e Isuse.

¹⁰Kana irisajle e apostolura, vačarde e Isusese sa so čerde. O Isus thaj lese sikade đele pašo foro savo akhardol Vitsaida te šaj aven zala korkore.

¹¹Al but manuša šunde đelo o Isus, thaj lije te đan pale leste. O Isus phenda lenđe kaj šukar avile. Thaj lija te vačarol lenđe taro Carstvo e Devleso thaj sastarda e nasvalen.

¹²Kana lija o đive te načhol, avile e dešuduj apostolura paso Isus thaj vačarde: “Te mukha e manušen? Nek đan ane pašutne gava thaj ane thana kaj šaj te aračhen khanči hamase thaj kaj šaj te soven, golese kaj sam ko than kaj naj khanči.”

¹³A o Isus vačarda lenđe: “Den len tumen khanči te xan.” Thaj von vačarde lese: “Amen isi samo panđ mangre thaj duj mačhe. Amen li te đa te čina sa kale manušenđe te xan?”

¹⁴A gothe sesa paše panđ milje murša. A o Isus vačarda pe sikadenđe: “Čhuven len te bešen po pinda đene.”

¹⁵Thaj čerde gija, thaj bešljarde len savoren.

¹⁶Thaj o Isus lija gola panđ mangre thaj e mačhen, thaj dikhlja ano nebo, blagoslovisada len thaj phaglja e mangre, thaj dija ke sikade te den e manušen.

¹⁷Thaj halje thaj čalile savore, thaj čidije dešuduj korpe okolestar so ačhilo so halje e manuša.

¹⁸Jekh đive, kana o Isus molisajlo korkoro, thaj lesa sesa lese dešuduj sikade. Vov pučlja len: “So vačaren e manuša, ko sem me?”

¹⁹A e sikade vačarde lese: “Nesave manuša vačaren kaj san o Jovane o Krstitelji, a avera kaj san o Ilija o proroko, a nesave vačaren kaj san jekh tare purane prorokura savo uštilo tare mule.”

²⁰A o Isus pučlja len: “A tumen so phenen, ko sem me?” A o Petar vačarda: “Tu san o Hristos bičhaldo taro Dol.”

²¹A o Isus vačarda e sikadenđe te ma vačaren khanikase kaj si vov o Hrist.

²²Thaj phenda: “Golese so me o Čhavo e Manušeso, trubul te avav but mučimo, thaj e phuredera, e šerutne sveštenikura thaj e učitelja tare Mojsijaso zakono, ka čhuden ma thaj ka mudaren ma, thaj trito đive me ka uštav.”

²³A o Isus savorenđe vačarda: “Ko manđol te đal pale mande nek ačhavol korkoro pes thaj nek lol o krsto piro svako đive thaj nek đal pale mande.

²⁴Golese ko manđol po đuvdipe te aračhol, ka hasarol le, a ko hasarol po đuvdipe paše mande vov ka aračhol le.

²⁵Thaj savo šukaripe ka avol e manuše ako sa o sveto dobil, a pes hasarol il pese bilačhe čerol?

²⁶Golese ko lađal mandar thaj tare me lafura lestar i me o Čhavo e Manušeso ka lađav kana ka avav ani slava mingri savi si slava me Dadesi thaj e sveta melekurenđi.

²⁷Čače vačarav tumenđe, nesave tumendar save sen kate ni ka meren dok ni dičhen o carstvo e Devleso.”

²⁸Thaj kana nakhle ohto đive pale gova, o Isus lija e Petre e Jovane thaj e Jakove thaj iklilo ko brego te molilpe e Devlese.

²⁹Thaj kana molisajlo leso muj čerdilo averčhane, thaj lese šeja čerdile parne thaj sjajna.

³⁰Thaj dik, tarjekh drom iklile duj manuša, thaj lije te vačaren e Isusesa. Gola sesa o Mojsije thaj o Ilija.