Karamɔxɔna 8:7-13

⁷A mi a kolon feen naxan fama, nayi nde nɔɛ a falɛ a xa naxan sa ligama?

⁸Adamadiin xa mi niin kanna ra alogo a xa a makankan, fanga yo mi a ra a sayaan lɔxɔn fari. Yɛngɛn matanga fɛrɛ mi a xa, ɲaxuyaan fan mi muxu ɲaxi yo xunbama.

⁹N bata na birin to, n yi n miri muxune kɛwanle birin ma dunuɲa yi. Waxatini ito yi, muxun nɔyaan nan ligama a adamadi boden xun na, a yi a ɲaxankata.

¹⁰N mɔn muxune toxi ɲaxudene maluxunɲɛ. Yamaan sigama, e xɛtɛma sa keli yire sariɲanxini, e ɲinan taani na muxu ɲanxin yi naxan ligama. Fe fuun nan na fan na.

¹¹Muxune to mi ratɔrɔnma e kɛwanle ra sasani, nanara fe ɲaxi rabaan xɔnla adamadiine bɔɲɛni han!

¹²Hali yulubitɔɔn fe ɲaxi kɛmɛ liga, a siimayaan mɔn yi xunkuya ayi, n na a kolon, hɛrina Ala yɛɛ ragaxu muxune nan xa, bayo e gaxuxi a yɛɛ ra.

¹³Koni hɛrin mi muxu ɲaxin xa! Seen nininna buma muxu ɲaxina siimayaan xa, amasɔtɔ a mi gaxuxi Ala yɛɛ ra.