Karamɔxɔna 1:6-15

⁶Foyen sigama yiifanna ma, a xɛtɛma kɔmɛnna ma, a firifirima, a firifiri han a mɔn yi xɛtɛ a kelideni.

⁷Baa igene birin sa sinma fɔxɔ igen nan ma, koni fɔxɔ igen mi rafema mumɛ! Igene mɔn luma xɛtɛ e kelidene yi xude xunne yi.

⁸Feene birin muxun xadanma han a mi nɔɛ a falɛ! Yɛɛn mi wasama toon tiyɛ, tunla mi wasama fe ramɛdeni.

⁹Naxan yi na nun, na nan mɔn na, naxan bata yi liga, na nan mɔn ligama, fefe nɛnɛ mi na dunuɲa yi.

¹⁰Muxune a falama sena nde ma, fa fala, “A mato, a nɛnɛn na a ra!” Anu, na yi na nun, xabu benun en xa da.

¹¹Ɲinan tima nɛn fe danguxine xɔn. Hali fe famatɔne ɲinanma muxune ra nɛn naxanye barima e xanbi waxati famatɔne yi.

¹²N tan, karamɔxɔna, n bata findi Isirayila Mangan na Yerusalɛn yi.

¹³N bata a ragidi n bɔɲɛni, n xa feene birin fɛsɛfɛsɛ, n yi e rakɔrɔsi n ma fekolonna xɔn feen naxanye birin ligama dunuɲa yi. Ala bata adamadiine ti ɲaxankata wanla nan na!

¹⁴Feen naxanye ligama dunuɲa yi, n bata ne birin to, e birin findixi fe fuun nan na alo muxun na kata foyen sagatandeni.

¹⁵Naxan dalinxi na mi nɔɛ ratinxinɲɛ. Naxan dasaxi, na mi nɔɛ yatɛ.