14Erâ mazi irecnec ŋehasickerâ ʒoaŋ huhunaopec raku Bete‐Horoŋ juwicpec tiki ŋekac ira fisirâ raku Kiriati‐Baali, Kiriati‐Jearim hâcne, i Judare guru jaŋere hae moc, ira mickewec. Hae i jahe hâcne ʒoaŋ huhunaopec irec ma ekopirec.
15Â mâreŋ juwicpec irec mazi ine Kiriati‐Jearim hae qaŋeŋnao fuŋkewec. Erâ irecnec ʒoaŋ huhunaopec raku Nefitoa opâ ʒâŋenao fisiwec.
16Erâ irecnec hurâ Refaim wâneŋ faicnao Hinom ŋokâ‐ticnere wâneŋ fokac irec faicnao tiki ŋekac irec qaŋeŋnao fisiwec. Erâ mâreŋ juwicpec jaha raku Hinomte wâneŋ fotâcnerâ Jebusi tiki juwicpec fisirâ Enerogele haeopec rawec.
17Izi bâŋorierâ faicpec raku Eŋ‐Semesi haeo fisi fotâcnerâ Adumim heâŋ‐ticne ŋifecnao Geliloti hae ŋekac ira fisiwec. Erâ fotâcne hurâ Rubeŋ ŋokâ‐ticne Bohaŋ ere qânâ ŋewec ira fisiwec.
18Â faicpec ine feraku Bete‐Araba hae qaŋeŋnao fotâcne hurâ mâreŋ burocnao fisiwec.