GWAY GI IDAWUU’D 39:4-11

⁴Tap̱a, dhalki aha/ misha ’pemen pem jin midi di ’kup̱ mo dhali ateem bar pem wakata mo? Dhalki aha/ misha mo mo, ma mondiki/em pem midi gus kata mo?

⁵Hili /e ki kara teem pem mmokuṯa/ kuṯ me’d bwam me’d ki daḵa/ mo dhali mondiki/em pem jin dika/ ki e mo tani ta toŋ kamu/ ibwambori jis/em pini yisa. Ka jiŋ gana/ aris ’kwani ’baar mo ’kokin ’twa/i ’kup̱ ’te/ mo. Doshi ma dhali ’cunycuri yan mo.

⁶Ka jiŋ gana/ ’kwani iikin ki jasa ḵashira/ ma la ’te/ mo. Ka jiŋ gana/ uni ’koshki jis mo ki dar gi mii kun ḵala uni mii ’kup̱ pa ka pije/ mo. ’Kwani sugki to mo dhali mol mo mo a’di jin midi tul a’di is mo.

⁷Dhali shwane/ Tap̱a, ki to jin ta’da ta ic̱orkika/ mo? Mo ma ’teŋ kap̱em pem di’d e /e mo.

⁸’Cuḵi aha/ mo ’pena ris gwom pem kun dhaŋka/ mo. Dhalku/ ki kar aha/ jin mina imanmii miim p̱us iwaḵ aha/ mo.

⁹Aha/ usha ’twa/ wal mo, aha/ dinaki ḵa’d ’twam pem mo, haali/ a’di ta /e jin miiki a’di mo.

¹⁰Joc̱ki mondor pini ’peni aha/ mo. Aha/ ’baarkina mo ki mondor ki me’d pini mo.

¹¹Ki /e ki dor wathi/ dhali ḵucur a’di gom miinthus mo tani /e ki ’cum to jin ena a’di me’da dhurany jin shwa to jin ’ka’d a’di ’twa/ ki ’ka’da bor mo. Ka jiŋ gana/ aris ’kwani ’baar mo ’ko ki e ’twa/i ’kup̱ ’te/ mo. Doshi ma dhali ’cunycuri yan mo.