Genesis 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Nayan, pegkedita-dita te menge otaw dini lanto te tanà, aw pegkedita heman te bayi timebaw,

²doen menge sakop te Timanem kimità te mèpiya se bawa te menge bayi, aw pengkey sinu se neibegan dan, yan se pinengognan dan.

³Penga niyan, minikagi se Timanem, “Eked ko pekeleyati se pedowan ko diyà te menge otaw te wedad temanan, so otaw dan olò. Lekat seini, taman olò te sebad gatos kelowan se omay se tegsebad-sebad otaw.”

⁴Dalem te aldaw sìyan te pegpengognan te menge sakop te Timanem diyà te menge bayi aw pegbatà dan, aw pengkey pa te pegkepenga niyan, doen menge telandig iningedanan Nefilim. Ontò dan nedengeg gebii, so dakel se nebatog dan.

⁵Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

⁶Yan miglama-lama sikandin tepad te peg-inang din te otaw aw tepad te pegpeogpà din kandan dini te tanà. Ontò nepuluk se pedowan din,

⁷aw minikagi sikandin, “Pegbàtan ko se otaw ininang ko dini te tanà, sipat te menge ayam-ayam, menenanap, aw manok, so miglama-lama a tepad te peg-inang ko kandan.”

⁸Meneng neluba se Timanem tepad ki Noe.

⁹Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.

¹⁰Telo se batà din meama, si Sem, si Ham, aw si Japet.

¹¹Netegahan te Timanem te medaet se kedita te doma otaw dini lanto te tanà, aw doen samok doton te kedita te ogpeanan.

¹²Pegtengteng te Timanem diyà te tanà, kinità din te tomalag iyan medaet, so gayed medaet se eg-inangen te kedita te otaw.

¹³Minikagi se Timanem diyà ki Noe, “Tod ko, igelaen ko den se kedita te otaw, so nelegeb den se kebelad te tanà te medaet eg-inangen dan. Yan ontò ko dan bàtan sipat te kedita dini lanto te tanà.

¹⁴Yan peg-inang ka den te arka te mèpiya kemolò te kayo amon doen sekayan nikaw. Peg-inang ka te menge tambì doton te arka, aw pemolit ka kenyan doton didalem aw doton te lowà.

¹⁵Sebad gatos ketlowan teg telo mitro se kelayat niyan, aw kelowan teg dowa mitro se kebelad niyan, aw sempolò teg telo mitro se kelangkaw niyan.

¹⁶Peg-atep ka kenyan, aw peg-inang ka te elet diyà te ampa aw atep taman te tengà mitro se kelangkaw niyan. Peg-inang ka te telo kunsad niyan aw sebad se lelebangan kidoen te ampa.

¹⁷“Linepen ko se tanà te wayeg amon megelà se kedita doen pedowan. Matay se kedita dini lanto te tanà.

¹⁸Meneng doen ipakang ko den kamno. Awop ka diyà te arka sipat te esawa nikaw, menge batà nikaw, aw menge esawa dan.

¹⁹Pengibing ka heman te meama aw bayi lekat te tegsebad-sebad kemolò te ayam-ayam, menenanap, aw manok amon eked iyan kegelà.

²¹Peglolan ka heman te medita kemolò te kànen amon doen kànen te kedita niyo.”

²²Timolò si Noe te kedita te impunù te Timanem diyà kandin.