Ezra 7

1

2

3

4

5

6

7

8

9

10

¹Kum phabep jouvin Persia lengpa Artaxerxes vaihom laijin Ezra kiti khat ana umin ahi. Ezrachu apa Seraiah ahin, Seraiah pa Hilkiah ahin,

²Hilkiah chu Shallum chapa ahin, Shallum chu Zadok chapa ahin, Zadok chu Ahitub chapa ahin,

³Ahitup chu Amariah chapa ahin, Amariah chu Azariah chapa ahin, Azariah chu Meraioth chapa ahin,

⁴Meraioth chu Zerahiah chapa ahin, Zerahiah chu Uzzi chapa ahin, Uzzi chu Bukki chapa ahin,

⁵Bukki chu Abishua chapa ahin, Abishuachu Phinehaschapaahin, Phinehas chu Eleazar chapaahin, chule Eleazar chu thempuchungnung Aaron chapa ahi.

⁶Hiche Ezra kitipa hi Babylongamma konna hungtou ahin, amahimasang laiya Pakai Israel Pathenin Mose anapehsa daanthu chukihilla themtah ahi, amahi Pakaia Pathen in akithopia akaile jehinipi hijongleh aman angeh chan chulengpan aphalpeh peh jenga ahi.

⁷Artaxerxes lengpa vaihom kumsagi lhin kum in, Israel chatephabep le thempuho phabep jong, Levite jong, lathem holeh kelkotngah a pang miho jong, chule houinlhacha a pangho jong Jerusalemkhopia ahung kitoltou cheh kit uvinahi.

⁸Ezrachu Persialengpa Artarxerxes leng chan kal kum sagilhin kum lha nga nan, Jerusalemkhopi ahung lhungtan ahi.

⁹Aman kumthah ni masa niahi Babylon adalhah ahin, lha nga lhinnin Jerusalem ahung lhungtan ahi, ajeh chu Pathen mikhotona khutchun apuijin ahi.

¹⁰Ezra hin ahinkho lhumkeiya Pakaidaanthuchuasimin, amangchan chuleh Israel mipihochun hiche daan thu hole chonchanthupeh ho jouse chu phatah a anit diu hi atup jing le ahil jing in ahi. Artaxerxes Lengpan Ezra Lekha Athot

¹¹Artaxerxes lengpan noiya lekhathot hi thempu lekhathem Pakaiyin Israelte anapeh daan thuho hoitah ahetna Ezra chu anapen ahi.

¹²Leng jouse lengpa Artaxerxeskitipakeiman Pathendaanthuhethem le lekha thempa Ezra hengakahin seijin kahin lemuve:-

¹³Kalenggam sung’a um Israelmipite leh thempuho chule Leviteho koi hijongleu chun Jerusalemlanga nakile kit thei diuva kaphalpeh nahi tauve.

¹⁴Keimaleh ka thumop the mi sagihon nakhut uva nachoiju Pathendaanthu dungjuija nanit soh uhinam ti kholchil dia Judah gamle Jerusalem sung kasol nahiuve.

¹⁵Keihon nanghohi na Sana ule nadangka u jong nakipoh thei diuvinthaneina kapeuve hiche Jerusalem’acheng Israel Pathen dia kiphal tah akapedoh u ahiyenge.

¹⁶Chujongle nanghon Babylongamma konna nadon doh’u sanale dangka chule Israel mipite lehthempuhon Jerusalem’a Pathen Houin na dinga atodoh hou pumanakipoh doh ahi.

¹⁷Hichea kidongdoh ho chengsehi, nanghon bongchal, kelngoichal, kelngoichulehhangemimchohna namanchah diu hichengsechu Jerusalem’a Pathen Houinmaicham’a nato doh diu ahi.

¹⁸Hiche sana dangka ho namanval houchu nangho leh na mitechengin, na Pathenun adeilam tah uva chu namancha theiju ahi.

¹⁹Ahin khonho vang chu na Pathen henga Houin’a manchah dingin Jerusalem a Pathen kommahhin pelut soh keijun tia kangansenahiuve.

²⁰Nanghon na Pathenu Houin nading ahilouleh chutobang thildangamanchahdinganangaichatuaumkhah tah jongleh leng inpisumkholna a kon’in kilah jengun.

²¹Keima Artaxerxes lengpan Euphratesvadunglhumlamgamkaija sum chingho kommajong hiche thupeh ho kathotnin ahi. Nanghon thempu leh mihilla pang Ezra hin nakom uva angaichat jatjatnapeh jengdiu ahi.

²²Nanghon amachu dangka poundsang sagi le ja nga changei, suhlouchang atena dim ja nga chulehlengpi twi gallon ja ngai le somnga chujongleh olive thao gallon janga le som nga napehdiu chuleh chiadei jatjat jong napeh jengdiu ahi.

²³Van Pathen in a Houin dingaangaichat ibolla eihon lengpaleachate chunga Pathen lunghan naikoulhah diuham?

²⁴Hiche to kimat a keimankathupeh nom kit khat chu ahile, thempu, Levite, Lasa apang ho, Kelkot ngah ho, Houinna lhachaa pang ho chuleh Pathen Houin anatong dangho chu kai jatchomchomho apeh loudiu ahi.

²⁵Chuleh Ezra nangmahi na Pathen in napeh nachihna chunaman chah a Euphrates vadunglhumlam gamkai sunga um mipihochunga vaihomding Pathen daanthu hethemho thutan vaihomding a napansah ding ahi.

²⁶Koi hileh Pathen daanthu nitlouleh lengpa daanthu juilou hochugangtah a athu kitanna, kithat ding, ahilouleh kinodoh ding, ahiloujongleh anei agou kilahpeh dingahilouleh songkul’a kikhum dingahi,” ati.

²⁷Hichun Ezra in jong, “Ipu ipateu Pathen chu thangvah in umhenajeh chu aman lengpa amangchan Jerusalem’a Pakai houin asemhoitan ahi!

²⁸Amachu thangvah in umhen ajehchu alungsetna tanglou vin eimusahin, lengpa leh amilen amilal homasanga eidom sangin hijeh chunkeima tilkhouvin kaumin chulehka Pathen leh ka Pakai khotonakhutchu kachunga aum jingin ahi. Hiti chun keiman Israel mite lamkaihochu kakou khommin Jerusalemlang’ah kakile taovin ahi.” ati.