Erubasa 3:25-35

²⁵Umbe, kenè ka ereg he egkehandek emun egketik-ew egkehitavù is mekahandekhandek he hitavù, etawa edezeetan is menge lalung,

²⁶su ebpekesarig ka he iyan ebantey kenikew is Nengazen, wey ka kenà mekeizi.

²⁷Tevangi nu is kinahanglan he edtevangan sumalà is egkehimu nu.

²⁸Ne emun duen ebpekitavang ne kenè nu en kèkeeselema pa is kedtevangi nu kandin emun duen en igketavang nu kandin.

²⁹Kenè ka mebpelanu te ebpekezezaat te sengeeetew he uvayè nu he midsarig kenikew.

³⁰Kenè nu tebeka is sengeeetew emun wazà mezaat he neveelan din diyà te kenikew.

³¹Kenè ka mesina te etew he mesipala ne kenè nu zaan iringi is menge ulaula zin.

³²Su egkeepesan te Nengazen is etew he mesinupaken, iyan, ebpekid-emiǥu mulà sikandin te etew he metazeng.

³³Edrewakan te Nengazen is pemilya te etew he mezaat is menge vaal zin, iyan, edtuvazan din mulà is pemilya te etew he metazeng.

³⁴Edsudien din is menge mesudì, ne edtuvazan din is kenà mepelevawen.

³⁵Is menge uluwanen, ne egkezeliǥan, piru is menge tulebung ne egkepeel-elezan.