Erubasa 31:19-31

¹⁹Iyan en sikandin ebpenhavel te ebeelan he kumbalà.

²⁰Igkeǥaǥew zin is menge pubri wey ebpenginahanglan.

²¹Emun timpu te meǥenew, ne kenè din igkeseeng haazà su zuen mekepal he manggad para te pemilya zin.

²²Ebpengavel sikandin te para te idempas diyà te hizeǥaan. Ne ebivisti sikandin te mekempet wey mahalen.

²³Diyà te inged dan, ne telehuzen is esawa zin wey sevaha te menge edlingahaan dutun.

²⁴Haazà is bahi ebpenahì te mekempet he menge visti su manggad he linu, wey ebpemaal zaan sikandin te vakes ne haazà pudu zin ibpemelegyà diyà te menge tumitinda.

²⁵Melig-en sikandin wey edtehuzen, ne kenè din igkehandek is egkehitavù te huziyan he menge andew.

²⁶Emun egkaǥi sikandin ne egketuusan ta he uluwanen sikandin, ne meelima sikandin he ebpenurù.

²⁷Meǥied sikandin, ne edsusiyen din ebpurungi is dutun te pemilya zin.

²⁸Utew sikandin egkezeliǥi te menge anak din wey te esawa zin.

²⁹Ne egkaǥi is esawa zin diyà te kandin te, “Mahabet he vahi is meupiya is menge vaal zan, iyan, kenè dan ebpekerepeng kenikew.”

³⁰Is kekempet te vahi ebpekelimbung, ne edlavey zà. Is bahi he edtahud te Nengazen ne iyan dait he edeliǥen.

³¹Dait sikandin he edsuhulan tenged te meupiya he menge vaal zin wey edeliǥen diyà te mezakel he menge etew.