Dad Fngewe 30:7-15

⁷Fakdogu di ge Dwata, di là agu fa mati, dnohoam di deg moon lwe ani.

⁸Satu, tnabengam agu du fye là agu tmulen kakakéng, na i galwen, nangam blé di deg bong knun, na ku demen faloham di deg i klandè, tiam blé deg i gablà knaan di klit i duh,

⁹du ku bong lukas i blém deg, ken mangu landè gukmamugu ge, demen ku landè agu, ken tmaku agu na gafalmogu dengeg Dwatagu.

¹⁰Nangam tulen di satu amu i kdalamam i satu saligan, du ku ani nimoam, fanlagin ge, na ge baling maflayam.

¹¹Nun dad to mlagi i màla, na là mlé kafye di yêla.

¹²Nun dad to flingu too ale mlaneb bay i kaglutan, di lam i nawala too ale magagsik.

¹³Nun dad to fandamla too ale mdatah, na taman toola fdatah i ktola.

¹⁴Nun dad to too ale mkut i dad to landè, na kdee sasè nimò nimòla di dad to landè, du fye gwèla i knunla.

¹⁵Nun satu to too lom, na nun lwe ngaan libun, na galla man, “Banlém gami,” bay balù tan i blém, là gabsol dale, taman salngad ale di fat ani,