Da:i Dione Dawa:i Olelesu 2:1-7

¹Na da hahawane hou hamomusa:ne hogoi helei. Be na ba:loba, amo hou amola da hamedeidafa ba:i.

²Na ba:loba, osobo bagade dunu ilia ousu hou amola hahawane hou, amo huluane da hamedei fawane.

³Na da dawa: bagade lamusa: hanaiba:le, da:i dioi galu. Bu hahawane ba:ma:ne, na da waini hano manusa: dawa:i. Na da dunu ilia osobo bagadega ode bagahame fawane esalea, noga:iwane habodane esaloma:bela:le, logo hogoi helei.

⁴Na da hawa: bagade hamoi. Na da nisu diasu gaguli amola waini efe bagohame bugisu.

⁵Na ifabia ha:i manu liligi huluane bugi, amola fage legebe ifa enoenoi huluane bugi.

⁶Na da amo bugiga hano soga:musa:, hano ha:ima:ne dogonesisi.

⁷Na da udigili hawa: hamosu dunu bagohame bidi lai dagoi. Amola na diasuga, eno udigili hawa: hamosu dunu da lalelegei. Amola na ohe fofoi amo idi da dunu huluane musa: Yelusalemega esalu dunu ilia ohe fofoi idi, amo bagade baligi ba:i.