3Gaira tara goni poloa siki totobo dika vanira kulamu na vure: Mana palongira gaira to righitaonira ighoe.
4Keri ge ra bosa mana ghaghua, “Mai, ma kai durakea na kema ni Israel eni, ma ka nia ponolio haliu tua.”
5Gaira tara nia liosakai na ghanaghana keri; ma ra gonidilaa ghamua na mate.
6Na vure ni Edom mana kemana Ishmael, na vure ni Moab mana kemana Hagri,
7Na vure ni Gebal, Ammon, ma Amalek, maia rana Philistia mi Tyre,
8Assyria ghua te nira pala, gaira didira na vure laga rana kemana Lot.
9Ko nea vanira na hava to nea vanira rana kema ni Midian, mi tana Sisera mana Jabin, tana beti tavetave i Kishon.
10Gaira raini tara matehoru i Endor; me kokovo horu ga na hulidira.
11Ko nea vanira tara hulira/rana vunaghidira, na hava to nea vanira a Oreb ma Zeeb, ko laga vulera tara hulira vaghaa to nera igaa a Zebah ma Zalmunna,
12Tara bosa mara ghaghua, “Mai, ma ka holai dida nina bona lologho a God!”
13God, ko havukaghinira vaghaa na pughu ni pari, vaghara na vughevughe te vulo saghinira na ghuri.
14Me vaghaa na lake te ghani taghalaghinia na leao, ma na lapilapi ni lake te pisui na lei ghotu.
15Vagha keri, ko ghurura nia ghua na maraghata! mo ko lavi mataghuniadira nia na ghuri sule.
16Keri vaho ge kara kene taonia na ahamu, Ighoe a Lord.
17Sania, ma kara lagavulera ma kara mataghu haia tua: ma kara mua nia tangomana siki totobo kara gonia.
18Keri vaho ge kara ghilalagho, ighoe heghemu vamua a Lord: To vunaghi pungisia na maramana talighu.