Buka Linge 59:4-8

⁴Sakai vamua inau na tinoni marabu, A gaira tara gonidilaa ni mateagu sono. Ko tughuru dato mo ko hangau! Ko vaevaneu mai ta nigua na vahola.

⁵Ghe a Lord, God, puku ni maana, Na God ni Israel ko tughuru dato mo ko hera na vahaghitailira na lei kema tara kabu dika. Bei righi arovira gea rana lei tinoni dika tara peropero tinoni.

⁶A gaira tara mai tana bongi Ra nguru salalaa vaghara na lei kau asi tara mamaha tana bona tara tona kolili tana lei halautu.

⁷Rongovighi na lei kokoe dika tara rughu horu mai tana mangadira. Na isi te mamataghugha te lovo horu mai tana ghiludira. Mara hurughi mara ghaghua, ahei ku tangomana na vahaghitailimami?

⁸Mi ghoe nigua na laga, Inau tu pitugho ge ke lavi kehau tana vahola vahaghitaili nia ighoe, ghe a God, nigua na lei bona ni vola.