2Nigua na God, inau tu hologho tana lei dani. hauva mo mua bosatughu. Inau tu hologho te bongi tana lei bongi mo rongovia na mangagu, hauva mua topoa na topoa na togholuvu.
3Nina lei holohaba Israel te talighutia na malei kabumu, na pukuna ighoe to tabu.
4Na lei kukuamami tara varava itamua; gaira tara varava itamua mo vavolara.
5Ighoe to rongovia didira na hoholo ge ko hangara mo ko vavolara. Gaira tara varava itamua ma kara mua ghoi dikalio.
6Hauva, inau ke na kedu, u mua tinoni. gaira udolu tara mua liogu mara niu sika.
7Gaira udolu tara righiu tara batobatou. Ra toutoui na ghidudira mara birubirui na uludira, mara ghaghua.
Buka Linge 22
Buka Linge 22:2-7