Buka Linge 135:3-21

³Holohaba Lord, agaia te uto lee, kau nia togotogo, ma kau nia rivurivu. na ahana nia na ghalevu ghalo.

⁴Gaia Lord te vilia heghena Jacob, Ma Israel nina puku ni lologho.

⁵Inau tu ghilala, gaia Lord te haba, Ma dida na God te haba vulera na lei god soko.

⁶gaia Lord te nei na lei totobo te togotogogha, lokana na kokou mana pari, mi vuvungana tahi oka mi lokana na lalo.

⁷gaia te nea na parako, ge pupulu dato mai vuvungana na pari tina, me nia vetena na uha kolu viti, ge kubolua na ghuri tana matakenena.

⁸Gaia te haurakera na lei meomeo kamanagho Egypt, tana lei sopa valedira, kolura nia na tinoni mana lei maumanu kamanagho.

⁹Gaia te gonighi na butuli, mana lei vaughilala mamaromangana Egypt, Pharaoh ma nina vure tana bubu.

¹⁰Gaia te buto kubolura na lei kema laga, me pisura na lei vunaghi haba.

¹¹Sihon na vunaghidira na kema ni Amon Og, na vunaghidira rana vure i Bashan, mana lei vunaghi soko i Canaan.

¹²Gaia te vahera na pari ni tunuva nina vure, me vahea Israel puku ni tunuva.

¹³Na ahana Lord ke kabu kasila, mana rongoraghamu ighoe Lord, na lei vavata kara ghilala utogho.

¹⁴Gaia Lord, ke talu maemanera nina vure, me arovira na lei nina tinoni lutu.

¹⁵didira na titinoni na silver mana gold, na malei lima ni tinoni, na totobo lee vamua.

¹⁶Na mangadira itadira kara mua nighi kokoe, mana matadira itadira kara mua nighi reirei.

¹⁷Mana logho kulidira ghua, kara mua nighi rongo, mana ihugha ghua kara mua nighi urumi.

¹⁸Gaira tara gonira tara vaghara so gaira, hauva mara varava so itadira.

¹⁹Rana Israel, holoutoa Lord, na lei nina mane ni sukaghi Aaron, holoutoa Lord.

²⁰Ighau tana kemana Levi, kau holoutoa Lord, Ighau tau nia kikinima Lord, Kau holoutoa gaia.

²¹Ighau tau ghaha ghau i Zion, holoutoa Lord, gaia te kabu i Jerusalem.