Bararuŋ Dâŋ 8

1

2

3

4

5

6

7

8

9

10

11

12

13

14

15

16

17

18

19

20

21

22

¹Eme Lama e sâfâ namba 7 bâhockeme sambâŋko niniŋ qiririŋ fuarâ fohame haf aua qâririŋ ewec.

²I tarame aŋelo 7 Anuture maŋfuŋko domambiŋ jaŋe honec‐jopahape gâcnezi qeŋ 7 jarembiŋ.

³Eme aŋelo moczi râqâc golzi bakicne ihec warerâ ra alata maŋfuŋko badomame gâcnezi ira hosâc âsu biaŋ bocjaha râepie huwec. Hume eri ŋeŋe mainao alata golzi bakicne ŋewec irec fainao râehuc mitiŋic jaŋere nunumuo ʒuhuckewec.

⁴Ehame meticnaonec hosâc âsu biaŋ izi mitiŋic jaŋere nunumu bafickehuc Anuturao fewec.

⁵Aŋelo e iŋuc erâ alataonec ʒoc kine rorâ râqâc‐ticne bâfuserâ mâreŋko hoŋkeme huwec. Hume ɋuŋ parandaŋ â bâbâric â homeŋ fuawec.

⁶Eme aŋelo 7 qeŋ jarekicne jaŋe qeŋ qaniŋte ʒawiembiŋ.

⁷Ehuc aŋelo namba wâŋ eki qeŋ qame hoe sanaŋ â ʒoc sochec bâsifuckekicne izi mâreŋko hewec. Heme mâreŋ tucne ʒoczi ʒawec â jâc tucne â sopâc kecɋaŋ sasawa ʒoczi ʒafârewec.

⁸Eme aŋelo namba 2 eki qeŋ qawec. Qeŋ qame wiac moc tiki sâko iŋucne ʒocbâruŋnehec hâwecko rucnewec.

⁹Rucneme hâwec tucne soc efârewec. Eme hâwec qowi tucne hâmo‐fârembiŋ â woke tucne ʒaŋke‐fârewec.

¹⁰Eme aŋelo namba 3 eki qeŋ qawec. Qeŋ qame bâpiŋ sâko moc sambâŋkonec tara waharâ ine waha iŋucne bâruŋkehuc opâ gâcnao huwec.

¹¹Bâpiŋ ʒâŋene Hâtâqiŋqiŋ. Eme irec opâ gâcne hâtâ qiŋqiŋne eme ŋic jaŋe nâpie hâtâc‐jopame bocjaha hâmombiŋ.

¹²Eme aŋelo namba 4 eki qeŋ qawec. Qeŋ qame ʒoaŋ mosa â bâpiŋ gâcne ira sâwec fuame tatamac‐jeŋic pitiwawec. Tatamac‐jeŋic gâkowawecte hae burec burec sawa furewec â ŋafeo iŋuc jaha mosa bâpiŋ buburecne tamaewec.

¹³Eme no ʒâŋe firâ tucwipe sâko moc honepo. E sawao faic jâmbâŋ juhuc wiwic jaha ʒiŋuc wirawec: “Jei, jei, jei, aŋelo jahec â moc jaŋere qeŋ fokac, i qapie mâreŋŋic jaŋe weniŋuc eniŋmu!”