Aposolo Jaŋere Binaŋ 4:29-34

²⁹Eme Wofuŋ, ʒi ine mu hâhâwic dâŋjeŋic hone manac ehuc kiŋaŋŋicfâcge hâbi hejaretec mitige hâhâwicmâc munʒepieŋ.

³⁰Ehapie mege sicnetec sahac ɋiɋic â mâsi fuŋne fuŋne tiri kiŋaŋŋicge Jesu ere erâ fua razejec.”

³¹Iŋuc numupie fic, tumaŋnerâ ŋembiŋ, qiriŋ qiriŋ qawec. Ehame Tiri Mârozi maŋjeŋicko fusucmame Anuture dâŋ micafec jaha ŋic jazambiŋ.

³²Opâ ruac guru jaŋe maŋ mocjaha ehuc ʒâʒâfic erâ jumbiŋ. Ehuc wiac fojarewec irec nore gore mi muhuc qâqâhâc mocjaha fojarewec.

³³Eme aposolo jaŋe Wofuŋ Jesu hâmockonec faharewec irec biŋedâŋ tâpiri jaha muhuc jumbiŋ. Eme aki anonoc sâkozi sâcjopa‐fârerâ fowec.

³⁴Erâ ŋondeŋ‐jeŋicko moczi tac qararacne mi juwec. Jufu gie â mafa wiac‐jeŋichec jumbiŋ jaŋe i qikiŋnepie moneŋ kitâcne‐jareme