Aposolo Jaŋere Binaŋ 19:1-4

¹Apolo e Korinti haeo juhame Paulozi tiki mâreŋ fotâcne raku Efeso haeo fisirâ miti mamana gâcne bâfuac‐joparâ

²wio‐jarehuc muwec, “Ŋoŋe miti manahuc Tiri Mârohec embiŋ me mâcne?” Eme jaŋe mumbiŋ, “Aricne, Tiri Mâro jukac biŋene moc mi manambeŋ.”

³Iŋuc mupie mocwâc wio‐jarewec, “Eme ŋoŋe more ʒâŋe biŋeo Miti Opâ ruambiŋ?” Mume ʒiŋuc âzâcnembiŋ: “Nâŋe Johanere Miti Opâ ruambeŋ.”

⁴Mupie Paulozi ʒiŋuc jazawec: “Johane eki ŋic jaŋe maŋjeŋic bârisieniŋte opâ rua‐jarehuc ʒiŋuc jazawec: ‘Râpefuŋ‐naneo warehuc jukac e manasiŋkenʒepieŋ.’ Dâŋ i Jesure muwec.”