1आपोल्लोस मोपा शेंना शेंन गाक्शा, कोरिन्थ सहरमी जाक्दीम्माक्त। पावल चहिं एफिससमी जाक्दीम्माक्त। मिनु प्रभु आ लां खोइक्ब आन कली ग्रुमा बाक्त।
2मिनु पावलमी मेको आन कली “गेपुकीमी थमा सुइक्ब दुम्नीनु, परमप्रभु यावे आ सोक्तीम प्रिंचा पुंइसीनी?” दे हिल्लो पवानु “ममाइ, गो परमप्रभु यावे आ सोक्त मतुइक्नीकी। मेको आ पर्बम मनेंशो यो बाक्नीक” देंमा बाक्त। प्रेरित २:३८
3मिनु पावलमी “मो हना सु आ नेंमी ब्वाक्कुम ख्रुम्शा ग्रुंइचा पुंइसीनी?” दे हिल्लो पवानु “यूहन्नामी देंशो टिशा, ब्वाक्कुमी ख्रुम्शा ग्रुंइचा पुंइसाक्क” देंमा बाक्त।
4मिनु पावलमी “यूहन्नामी मुर आन कली ‘पाप पचा प्रोंइशा इन थुं परमप्रभु यावे गे लेत्तीने। मिनु आं नोले जाक्ब कली थमा सुतीने’ दे ब्वाक्कुम ख्रुम्शा ग्रुंइदीमी बाक्त। यूहन्ना आ नोले जाक्शो चहिं येसु बाक्ब” दे शेंदीमी बाक्त। मत्ती ३:११